O alcaldable destacou as iniciativas de Shiifos e Muiñeiras Requiande S.L como fundamentais para o desenvolvemento do rural en Ribadeo.
Ribadeo, 5 de maio de 2023. Esta mañá o conselleiro do Medio Rural, José González Vázquez e o candidato á alcaldía de Ribadeo, Dani Vega visitaron as empresas de Shiifos, dedicada ao cultivo de cogomelos; e Muiñeiras de Requiande S.L, unha empresa que naceu no 2020 da man dun grupo de mulleres co obxectivo de recuperar os produtores de alimentos e os consumidores da comarca a través da produción e elaboración de produtos vexetais. A visita serviu para poñer en valor as dúas empresas de Ribadeo e os produtos ecolóxicos e de proximidade.
Dani Vega subliñou a importancia de ter estas empresas en Ribadeo: “Shiifos é unha empresa de setas que está comercializando o seu produto nos mercados dos domingos e nos restaurantes do noso concello. Aspiran a seguir crecendo e nós, desde o noso grupo municipal, vamos a colaborar e traballar con eles conxuntamente para que sexa posible”.
Por outra banda, o alcaldable puxo en valor a transformación do produto como unha iniciativa máis para apoiar os produtos locais: “Fai dous anos en Cedofeita empezaron a súa historia coa transformación do produto. Nós temos unha proposta para elaborar ese produto, envasalo e introducilo nos centros educativos, unha iniciativa que fixemos na pandemia e agora queremos recuperar, pois non só poñemos en valor o produto, senón tamén a forma de vida dos nosos agricultores e gandeiros”. Neste sentido, en Muiñeiras de Requiande S.L están comprometidos co desenvolvemento sostible do medio rural e a revalorización do papel dos produtores e consumidores locais.
Pola súa parte, González salientou que desde a Consellería apostan por oportunidades que xeren riqueza no eido da agricultura e transformación do produtos. Iniciativas como a de Shiifos permiten impulsar a agricultura ecolóxica e por iso desde a Xunta de Galicia a apoian de xeito decidido. En canto a Muiñeiras de Requiande S.L, o conselleiro destacou a produción, elaboración, transformación e comercialización de todo tipo de produtos vexetais.
Neste sentido, desde a Consellería do Medio Rural apostan pola transformación e comercialización de produtos agrarios e, por iso, este ano as axudas ao efecto contaron cun orzamento de 30 millóns de euros
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
