Eugenia Requeijo volve acusar ao goberno local de “falta de transparencia” por non darlle acceso ao expediente ata despois das eleccións municipais
Muras, 24 de maio de 2023. O Partido Popular asegura que “o BNG recolle no seu programa propostas que non responden ás necesidades actuais de Muras” como é o caso de converter a Casa de Rouco -cedida fai moitos anos ao Concello para fins sociais, como recoñece tamén o BNG- a un coworking ou espazo de oficinas para actividades empresariais.
Os populares condenan “a mala xestión” por parte do goberno local de “facer e desfacer”; e, sobre todo, que non teñan en conta aos veciños e veciñas. Segundo a candidata popular á alcaldía, Eugenia Requeijo, “a xente de Muras quere que a Casa de Rouco siga estando a disposición dos veciños -respectando a finalidade coa que foi cedida ao Concello- para casos de necesidade de persoas e familias de Muras con dificultades ou problemas puntuais de vivenda”. Iso é o que defende o Partido Popular.
Para o PP “non sentido que o BNG volva prometer o mesmo, despois de ter gastado 18.000 euros no ano 2022 na redacción do proxecto de reforma destas instalacións para solicitar axudas Next Generation que, finalmente, non lle foron concedidas”. Hai que ter en conta, a este respecto, “a mala xestión dos fondos europeos por parte do Goberno socialista de Pedro Sánchez e o desmesurado gasto que propoñía o goberno municipal de preto de 2 millóns de euros (1.850.000) para reformar esta vivenda”.
“O BNG non só demostra unha mala xestión -por gastar 18.000 euros en facer o proxecto desa reforma para, finalmente, non obter a subvención-; senón tamén que non coñece as necesidades de Muras nin a realidade dos seus veciños e veciñas”, segundo inciden os populares.
A candidata popular á alcaldía, Eugenia Requeijo, destaca que “o Partido Popular presenta un proxecto viable para gobernar Muras atendendo ás necesidades do noso concello e dos nosos veciños”. Nese sentido, defende que “temos os pés na terra de Muras”.
FALTA DE TRANSPARENCIA
A popular acusa tamén ao goberno local de “falta de transparencia”. Así o sinala despois de solicitar acceso ao expediente sobre a redacción do proxecto básico e execución da rehabilitación da Casa de Rouco -ao que ten dereito como concelleira da corporación municipal- e serlle notificado que non llo conceden ata despois das eleccións municipais. Concretamente, foi “emprazada para o luns 29 de maio na secretaría do Concello, en horario de 8:00 a 14:30 horas”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
