Hoxe, en Ribadeo, nunha xornada na que a secretaria xeral do PPdeG percorre tamén os concellos de Foz, Mondoñedo e Xermade
Ribadeo, 20 de maio, 2023. A secretaria xeral do PPdeG desprázase hoxe á provincia de Lugo, para apoiar aos candidatos nos distintos concellos, comezando esta mañá polo candidato en Ribadeo, Daniel Vega: “Como compañeiro no Parlamento vexo día a día a súa ansia e o seu empeño por resolver todos os problemas de Ribadeo, como se el xa fora o verdadeiro alcalde”
Paula Prado indicou que o alcaldable popular non confronta con outras forzas: “El pon nunha man as deficiencias e denuncia o que non fai o alcalde, pero noutra busca sempre as mellores solucións, facendo cousas positivas pola súa vila, como vemos todos os días no Parlamento e, por iso, merece ser o seu rexedor”
Con fin de gobernar, Dani Vega ten que conseguir unha maioría absoluta “para impedir un pacto de perdedores de BNG e PSOE, que non aspiran a gañar senón a sacar un voto máis que o PP para logo renunciar ao seu programa electoral e poñer os seus intereses políticos sempre por riba dos do seu pobo”
“Desde o PPdeG facemos política baseada na seriedade, na solvencia, na estabilidade e na unidade”, indicou Paula Prado, antepoñendo isto a bipartitos que “nunca trouxeron nada bo para Galicia”
“POLÍTICAS NEFASTAS” DE SÁNCHEZ NA MARIÑA LUCENSE
“Cando vimos á Mariña podemos mirarlles aos ollos aos veciños e veciñas, algo que non pode facer Pedro Sánchez, nin os seus valedores como o delegado do Goberno, con políticas nefastas para Galicia, para España e tamén para esta comarca”, abundou
Fixo referencia así a secretaria xeral dos populares galegos á Lei de vivenda, a Lei do só si é si, a inseguridade xurídica ás empresas que xera o Goberno central para a súa instalación no noso territorio ou a súa “manipulación das estatísticas do paro que non oculta que hai moita xente que o está a pasar mal”
Ao respecto do BNG, indicou a secretaria xeral dos populares galegos, xa vemos que “por diante ten unha cara e outra por detrás” e recordou a súa pertenza ao grupo dos Verdes no Parlamento europeo, cos que queren “destruír a nosa actividade pesqueira co veto á pesca de fondo ou ao noso rural co apoio á protección do lobo”; e todo iso mentres apoia aos independentistas cataláns “consentindo os agravios a Galicia”
Pola contra, sinalou, temos un goberno na Xunta de Galicia que é “un exemplo” para A Mariña, con avances como os da ampliación do hospital comarcal, e que amosa que “hai outra forma de facer política”
Paula Prado mostra o seu apoio a Javier Castiñeira que “volverá ser alcalde e recuperará o esplendor que tiña Foz durante o seu mandato”; a Manolo Otero, que “manterá a maioría para que Mondoñedo siga avanzando”; e a Antonio Riveira, que “coa experiencia de dúas décadas no Concello de Xermade, logrará o cambio de goberno”
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
