A subdelegada, acompañada da alcaldesa de Burela, visitou un dos establecementos da provincia adheridos ao programa estatal
Burela, 28 de xuño de 2023. A subdelegada do Goberno en Lugo, Isabel Rodríguez, lembrou este mércores en Burela que tanto empresas como mozos e mozas lucenses xa poden solicitar o Bono Cultural Xove que impulsa o Ministerio de Cultura e Deporte. Trátase do programa estatal que ofrece unha axuda directa de 400 euros ás persoas quen cumpre 18 anos para adquirir e gozar de produtos e actividades culturais e do que o ano pasado beneficiáronse 1.143 mozos. Neste senso, Isabel Rodríguez animou aos 2.186 rapaces e rapazas da provincia nados en 2005 a que soliciten o bono desta segunda edición na páxina web. O prazo remata o vindeiro 30 de setembro.
A subdelegada, acompañada da alcaldesa de Burela, Carmela López, visitaron esta mañá a librería Atril, un dos establecementos adheridos ao Bono Cultural Xove na provincia de Lugo, para coñecer da man do xerente, Javier Chao, como está a funcionar esta iniciativa, ao tempo que intercambiaron impresións das vantaxes que ofrece o programa como que aquelas empresas que xa forman parte do Bono Cultural Xove poden seguir ofrecendo os seus servizos ou produtos sen necesidade de realizar trámite algún.
“O prazo para inscribirse aínda está aberto polo que convido a todo o tecido cultural da provincia, tanto público como privado, a sumarse ao programa, desde teatros, festivais e salas de cine, pasando por museos, librarías ou tendas de música”, engadiu Isabel Rodríguez que recalcou que “é unha axuda para apoiar a emancipación dos nosos mozos á vez que se impulsa unha industria tan importante como a cultural, dinamizando comercio de proximidade da nosa provincia”.
O Bono Cultural Xove funciona exclusivamente naquelas empresas, comercios e entidades culturais que previamente solicitasen a súa adhesión ao programa. Na provincia de Lugo hai máis dunha vintena de establecementos adheridos, entre eles distintas librarías, tendas de produtos dixitais e online, especializadas en música e videoxogos. Neste senso, todas as entidades interesadas en vender os seus produtos e servizos aos portadores desta tarxeta poden tramitar a súa adhesión ao programa a través da web.
Válido durante 1 ano
Por segundo ano consecutivo, o bono é válido durante os 12 meses seguintes á súa concesión. Cada persoa beneficiaria poderá destinar ata 200 euros a artes en vivo, patrimonio cultural e artes audiovisuais; un máximo de 100 euros a bens culturais en soporte físico e outros 100 euros ao consumo dixital ou en liña nas entidades adheridas ao programa.
O Goberno impulsa esta iniciativa que pretende fomentar o acceso universal e diversificado das persoas mozas á cultura, xerar e afianzar hábitos de consumo de produtos culturais, crear novos públicos, estimular a demanda e fortalecer e consolidar a revitalización do sector cultural en España.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
