Burela, 3 de xuño, 2023. Este sábado tivo lugar o primeiro encontro da Fínal dos Playoff polo Ascenso a Primeira Federación de Futsal Masculino no Pavillón Municipal Vista Alegre de Burela, no que se enfrontaron os dous finalistas Pescados Rubén Burela FS – Family Cash Alzira cun resultado final que se resolveu a penaltis (3)2 – 2(4). Nun encontro dominado polo Pescados Rubén a maior parte do xogo, coa posesión de balón durante practicamente os 40 minutos e numerosísimas ocasións para os Pícaros, a portería rival parecía ter un resorte xigante no seu interior, con 3 balóns ao pau, algunha fóra e un grandísimo papel dos porteiros rivais, que fixeron unha parte cada un con moitos balóns salvados durante todo o xogo. Pero mellor papel aínda de o equipo laranxa que, a pesar do resultado, fixeron un grandísimo partido e mereceron máis.
Na primeira parte comeza forte o Burela cun gol de Nando no minuto 1, o xogador malagueño vírase na frontal e remata co 1-0 que pon avantaxa ao conxunto burelense. Pero no minuto 2 Carlitos empata o encontro. Tras varias oportunidades claras que non conseguen atravesar a liña do gardameta rival, unha de David Pazos que detén Porky, outra de Nando e tamén Lucho. Chega o descanso co marcador 1-1.
No segundo tempo entra Serra, porteiro suplente do Alzira e o segundo gol do Alzira no minuto 22, cun tanto de Castejón. Tras numerosísimas ocasións de todos os xogadores do equipo local, 13 minutos de frustración na bancada pero nunca decaendo o empeño e calidade nin da afección nin dos xogadores, chega o gol do empate nunha xogada individual de Eloy que dispara e pérdese na rede. Remata o encontro 2-2 no marcador e unha prórroga na que o Burela puido marcar tamén un ou dous goles pero non conseguiu finalizar con xeito. Nos penaltis comeza lanzando Naranjo que co 0-1, continúa Nando 1-1, Rubi 1-2, Eloy 2-2, Carlitos 2-3, David Pazos 3-3, Sena 4-3 e por último Isma que dá no pau, quedando o marcador final (3)2 – 2(4).
Unha pena xa que ben puido ser moito máis avultado para o hoxe desatinado Burela FS, pero sempre coa esperanza posta en Alzira no que o conxunto de David Rial o dará todo, a pesar das dúas baixas, Rikelme e Pitero, que por suposto se están notando considerablemente, pero que non van impedir que o equipo se entregue a provocar un terceiro partido en Vista Alegre, ocasión perfecta para celebrar un ascenso a Primeira División.
Ficha Técnica Pescados Rubén Burela FS – Family Cash Alzira
Pescados Rubén Burela FS: M. Kaluza (P), Isma, Nando, David Pazos, Eloy -cinco inicial-, Nito, Lucho (C), Alberto, Antón Arnejo, Bruno (P).
Family Cash Alzira: Porky (P), Carlitos, Peiró, Castejón, Javi Sena -cinco inicial-, Joan, Rubi, Parreño, Pedro, Naranjo, Palacín, Gabri Pastor, Gustavão, Serra (P).
Goles: Min.1 Nando 1-0; min.2 Carlitos 1-1; min.22 Castejón 1-2; min.37 Eloy 2-2.
– Penaltis: Naranjo 0-1; Nando 1-1; Rubi 1-2; Eloy 2-2; Carlitos 2-3; David Pazos 3-3; Sena 3-4.
Equipo Arbitral: Jesús Almeida León, Raúl Santana Santana, Eva López Seijas.
TA: Min.10 David Pazos, min.10 Javier Couce (médico Burela FS), min.11 Peiró, min.12 M. Kaluza, min.13 Fernando Gorriz Cavallero (preparador físico Alzira), min.17 Pedro, min.19 Eloy, min.37 Isma, min.37 David Rial (entrenador Burela FS).
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
