A música, o baile e o traxe tradicional volverán encher as rúas da Mariña durante as II Xornadas Etnográficas da Mariña que organiza a asociación Tecedeira en colaboración co Concello de Xove e a Vicepresidencia da Deputación de Lugo, do 16 ao 18 de xuño
Xove, 15 de xuño, 2023. Como cada ano, as Xornadas Etnográficas da Mariña (Música, Baile e Traxe Tradicional) van itinerando polos diferentes municipios da comarca. A primeira edición tivo lugar en Ribadeo o pasado ano 2022. Este ano será Xove o concello que acollerá o evento en homenaxe á agrupación Saíñas polo seu 40º aniversario.
Este 2023 as Xornadas Etnográficas da Mariña celebraranse de novo en xuño e terán tres días de duración e, como novidade, incluirán concertos con dous grupos punteiros do panorama da música tradicional galega.
Entre as actividades deste ano haberá un coloquio sobre a conexión da tradición oral entre Galicia e Asturias, a presentación do primeiro libro-disco de composicións para gaita compostas por mulleres, un obradoiro de baile, foliada, concertos, pasarrúas, unha exposición do traxe tradicional e unha mostra etnográfica que pechará as xornadas.
Para os integrantes da A.C. Tecedeira é importante amosar o traballo de todas as asociacións e agrupacións da Mariña para valorar e coidar o noso patrimonio cultural inmaterial, motivo principal polo que se comezaron a celebrar estas xornadas. Durante as tres xornadas, nas que haberá música, obradoiros e distintas actividades culturais darase valor á nosa tradición oral. Todas as actividades son gratuítas e abertas ao público.
Programa
Venres, 16 de xuño
20:30h. Pregón e apertura das Xornadas a cargo da A.C. Saíñas polo seu 40 aniversario
21:00h. Concerto de Cantometrics (Músicas sobre o arquivo de Alan Lomax)
No Lugar das Marías (A Rigueira, Xove).
Sábado, 17 de xuño
11:30h. Coloquio: “A conexión nas músicas de tradición oral entre Galicia e Asturias” Participan: Adrián Méndez, musicólogo, promotor da Foliada da Fonsagrada e integrante do grupo De Ninghures; Carla Miranda, musicóloga e integrante do grupo Algaire; Miguel R. Monteavaro, poeta, investigador e integrante do grupo Caldo e os Rabizos; Abel Pérez, músico e responsable da produtora cultural Mialma Producióis.
No salón de actos do Centro Cívico de Xove.
12:30h. Apertura e visita guiada da exposición “Traxandaina: O traxe aldeán de garda nas terras de Lugo”
Nas galerías do Centro Cívico.
13:30h. Pasarrúas a cargo da A.C. Saíñas acompañado de Xigantes e Cabezudos
16:30h. Presentación do libro-disco “As que dormen entre o centeo” coas autoras Marina Vigo e Lucía Eiros (Asociación de Gaiteiras Galegas)
No salón de actos do Centro Cívico.
17:30h – 19:30h. Obradoiro de baile con Rebeca Tallón: “O baile solto na Terra Chá” Na praza do Concello.
21:00h. Concerto de FIANDOLA
No salón de actos do Centro Cívico.
22:30h. Foliada cos grupos:
Cantareiros Cántigas e Frores (Lugo)
Cantareiras Amigos da Gaita (Ribadeo)
Cordenaia (Cervo)
A.C. Arume (Burela)
A.C. Amado Lar (O Valadouro)
A.C. Saíñas (Xove)
Fol do Raxal (Cervo)
Ao remate FOLIADA ABERTA
No salón de actos do Centro Cívico.
Domingo, 18 de xuño
12:30h. Apertura da exposición “Traxandaina: O traxe aldeán de garda nas terras de Lugo”
Nas galerías do Centro Cívico.
18:30h. Mostra Etnográfica e clausura das xornadas coas actuacións de:
Cántigas e Frores (Lugo)
A.C. Saíñas (Xove)
No Pavillón Municipal de Xove
Que son as XEAM?
As Xornadas Etnográficas da Mariña (Música, Baile e Traxe Tradicional Galego) nacen da man da asociación Tecedeira como un punto de encontro para poñer en valor a cultura tradicional a través de coloquios, monográficos, exposicións, obradoiros, concertos e
mostras etnográficas do tecido cultural asociativo que traballa na comarca de A Mariña e no resto do país co noso patrimonio inmaterial e as nosas músicas de tradición oral. Estas xornadas itinerantes teñen como espírito aglutinar a convivencia de todas as agrupacións e asociacións da Mariña e pretenden realizarse cada ano nun punto diferente da comarca.
As II Xornadas Etnográficas da Mariña, celebradas este ano 2023 en Xove, do 16 ao 18 de xuño, inclúen obradoiros, presentacións e coloquios, mostras etnográficas, exposición sobre o traxe tradicional, pasarrúas, concertos e foliada. Todas as actividades son gratuítas e abertas ao público.
Tecedeira
Tecedeira é un proxecto de investigación, compilación e divulgación das músicas de tradición oral. Nace na Mariña co obxectivo de implicar á sociedade na difusión e conservación do noso patrimonio inmaterial, así como a realización de obradoiros e actividades formativas, publicación de libros e documentais, e a organización de eventos e encontros arredor da tradición oral.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
