O ala-pívot zamorano provinte do KS Constract formará parte da plantilla do Pescados Rubén Burela FS a próxima tempada
Burela, 12 de xullo, 2023. Terceira fichaxe do Pescados Rubén Burela FS para a próxima tempada, Iván de Uña Feliz, Malaguti, será un dos novos xogadores do conxunto formado por David Rial para defender a cor laranxa a tempada que vén. O xogador zamorano de 26 anos, proviniente do KS Constract, xogou case toda a súa carreira no equipo da súa terra, o Átletico Benavente. Comeza xogando ao fútbol e aos 18 anos interésase polo fútbol sala ingresando no equipo Xuvenil División de Honra do Benavente, tempada 2014/2015 e combinando a súa participación co equipo senior. Na tempada 2015/2016 comeza a xogar no senior de forma exclusiva e a seguinte tempada, 2016/2017 márchase ao Cidade de Narón unha tempada. Volve ao seu equipo natal na 2017/2018 onde será unha peza fundamental, conseguindo un ascenso a segunda división e disputando a final polo ascenso a primeira na tempada 21/22. En decembro de 2023 ficha polo KS Constract, equipo polaco de Primeira División, co que despois de 10 anos intentándoo conseguen gañar a Liga esta tempada 22/23.
Moi emocionado pola súa incorporación á plantilla burelá, Malaguti afirma que “o que máis me atraeu de fichar polo Burela é que é un equipo familiar, un equipo con moita historia que estivo en Primeira División moitos anos, cun equipo feminino que é o mellor de Europa e do mundo e estar nun club tan serio como Burela chama a atención a calquera xogador. Cando eres profesional queres estar nos mellores. Desde que estou centrado no fútbol sala sigo ao Burela e sempre tes a cousa de “algún día xogarei alí” e ao final foi a sorte este ano. Ten unha afección incrible, un club familiar e dixéronme que o pobo é pequeno pero moi bonito e que se está superben”. Sobre as súas espectativas “espero levarme unha experiencia incrible, como che digo creo que é un club no que todo o mundo quere xogar, esperemos que este ano cumpramos os obxectivos marcados polo club e, pola miña parte, esperemos que non sexa un ano e sexan moitos. Espero achegar todo o posible, o que eu son, a miña personalidade e carácter así como axudar ao equipo tanto en defensa como en ataque, en todos os aspectos e estar ás ordes do adestrador e facer o que me pida. Tentar poñer ao club onde se merece, é un club que debe estar en Primeira División e tentaremos loitar para iso”. Consciente da importante afección que forma parte deste club, anímaos a continuar apoiando ao equipo coma sempre, “dicirlles que nos apoien como ata agora. Vin partidos, como o final do playoff, que non foi moi xusto pero a afección foi incrible, acolledora, imos dar todo por eles e levar ao club onde se merecen. Imos dar o máximo”.
O Presidente do Pescados Rubén Burela FS, Manuel Blanco, confía nesta nova fichaxe “vai reforzar moito a plantilla, traeranos maior amplitude en ataque, esperamos que veña con tino e nos axude a incrementar a lista de goles para o equipo esta tempada. Xogou en equipos de gran nivel, vén de gañar a liga polaca en Primeira División e sabemos que se vai a adaptar enseguida”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
