O candidato popular ao Congreso por Lugo Jaime de Olano sinala que cando se trata de infraestruturas o PSOE non é crible despois de tantos incumprimentos como acumula coa provincia
Lugo, 7 de xullo de 2023. A credibilidade do PSdeG-PSOE na provincia de Lugo, cando se trata de infraestruturas, é mínima, por non dicir que non ten credibilidade cando anuncia proxectos, despois de reiterados incumprimentos tanto en materia de estradas como de ferrocarril. Agora compromete investimentos na autovía da Mariña, e o popular Jaime de Olano, sinala que “aínda que se trate de poñer toda a boa vontade do mundo, custa crer ao partido socialista cando fala de novos investimentos en infraestruturas viarias, porque tivo catro anos para dar unha solucións, e dotar á Mariña das comunicacións que merece, e non fixo nada”.
Para os populares, o Goberno presidido por Pedro Sánchez pasará á historia por ser o primeiro que, no balance final dunha lexislatura, en lugar de aumentar os quilómetros de autoestradas construídos en Galicia, os ten recortado, porque non houbo novos proxectos e seguimos sen o viaduto do Castro.
No PP sinalan que cando os socialistas din que o Goberno vai levar por fin a cabo a construción da A-74, entende que se refiren “a que vai ter que chegar ao Goberno o PP para que esta reivindicación dos veciños e veciñas da Mariña sexa unha realidade”.
Jaime de Olano indica que “mentres os gobernos do PP constrúen estradas, melloran a calidade de vida das familias e contribúen á competitividade das empresas, os do PSOE o único que constrúen son relatos, novas escusas para tratar de explicar por que non teñen feito nada”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
