O presidente do Goberno galego visita o Centro de Innovación desta compañía no polígono das Gándaras de Lugo
Lugo, 12 de xullo de 2023. O presidente da Xunta, Alfonso Rueda, destacou hoxe o firme compromiso da Xunta co desenvolvemento das enerxías renovables ao apoiar ás empresas vencelladas a este eido con diferentes medidas. Entre elas, durante unha visita ás instalacións de Norvento en Lugo, destacou a declaración como proxecto empresarial singular da fábrica ‘enerxía cero’ que esta compañía vai construír no polígono das Gándaras apostando polo I+D+i.
Rueda, que puxo a Norvento como exemplo da Galicia “potente en materia de enerxía” que aposta pola sustentabilidade e a innovación, resaltou que a futura fábrica de Norvento é un proxecto clave non só para Lugo, senón para toda a comunidade. Esta planta -na que se fabricarán equipos para a xeración ou almacenamento de enerxía- vai supoñer un investimento de 50 millóns de euros coa previsión de crear preto dun millar de postos de traballo. Grazas a declaración de proxecto empresarial singular -aprobada en abril polo Consello da Xunta-, acelérase a adxudicación de terreos á compañía para que poida levar a cabo este proxecto.
O presidente, acompañado da conselleira de Economía, Industria e Innovación, María Jesús Lorenzana, destacou que Galicia xa é un referente no sector das enerxías renovables -o 65% da electricidade xerada na comunidade xa procede destas fontes-, pero a Xunta quere reforzar aínda máis o papel de Galicia neste eido. Para iso, destacou medidas como a Axenda Enerxética de Galicia 2030 coa que o Executivo autonómico quere reducir os custos enerxéticos para as compañías, impulsar o uso de renovables e reducir as emisións de gases de efecto invernadoiro así como promover proxectos industriais vencellados a este sector.
Ademais, Rueda salientou a importancia de que os beneficios do aproveitamento dos recursos naturais revertan na propia comunidade. Por iso, destacou a futura Lei de recursos naturais que nace con ese obxectivo dunha “eólica con sentidiño” e que inclúe a creación dunha sociedade público-privada para a xestión de proxectos enerxéticos. Nesta liña, o presidente destacou o compromiso do tecido empresarial e social galego con esta iniciativa que xa conta cunha vintena de entidades interesadas e con propostas que superan amplamente o obxectivo inicial de 20 millóns de euros de capital privado.
“Desde o convencemento de preservar o medio ambiente onde están instaladas as fontes de produción de enerxía renovable, tamén estamos convencidos de que podemos seguir medrando e de que as oportunidades que non se aproveiten en Galicia, hai outros moitos territorios próximos a nós que o van facer, polo que creo non temos que deixar pasar esa oportunidade”, destacou.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
