O Valadouro, 9 de agosto de 2023. A Xunta, a través da Axencia de Turismo de Galicia, concedeu axudas que suman case medio millón de euros a vinte establecementos de aloxamento e restauración da provincia de Lugo para mellorar as súas instalacións.
O delegado territorial da Administración autonómica, Javier Arias, visitou hoxe un dos negocios beneficiarios, o hotel Vila do Val do municipio do Valadouro, establecemento distinguido coa Q de calidade turística, para coñecer as actuacións de renovación de equipamento e mobiliario realizadas con cargo a esta liña de achegas.
En total, as subvencións chegan a 12 instalacións de aloxamento -hoteis, hoteis balneario, pensións, albergues, establecementos de turismo rural e apartamentos turísticos – e a oito restaurantes. Están situados en quince concellos repartidos por toda a provincia: Lugo -tres deles -; Sarria (dous); Foz (dous); Ribadeo (dous); Barreiros, Viveiro, O Valadouro, Pantón, Sober, Bóveda, Vilalba, Begonte, Guitiriz, Abadín e A Fonsagrada.
O obxectivo principal destas axudas é incentivar a mellora das instalacións e infraestruturas destes establecementos co fin de consolidar unha oferta turística de calidade. As achegas cobren tanto obras de acondicionamento como a adquisición de equipamento ou mobiliario.
Dixitalización
Arias tamén informou de que Turismo de Galicia resolverá proximamente a liña de subvencións para o sector destinada á promoción da dixitalización, que conta con 1,5 M€ de orzamento. O prazo de presentación de solicitudes rematou esta semana.
A finalidade deste programa é impulsar o desenvolvemento tecnolóxico e o proceso de transformación dixital das empresas turísticas a través da incorporación de solucións dixitais aos seus establecementos, servizos e procesos, coa finalidade de mellorar a súa competitividade.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
