Recuperándose da súa lesión dos últimos partidos de Playoff, o brasileño renova por terceiro ano consecutivo co club laranxa
Burela, 9 de agosto, 2023. Rikelme Alves Ribeira, Rikelme, é a última renovación do club mariñán. O á brasileiro continuará a súa terceira tempada consecutiva formando parte da plantilla formada por David Rial despois de chegar a un acordo co club burelense. Tras sufrir unha lesión do ligamento cruzado anterior do xeonllo durante os Playoff da pasada tempada, o mozo xogador de 21 anos recupérase con moito traballo e a calma que requira para poder comezar a xogar co equipo canto antes pero coa garantía de realizar unha rehabilitación completa. Desde o club desexámoslle a mellor das recuperacións e esperamos que poida volver á normalidade canto antes do mesmo xeito que o seu compañeiro Pitero, ambos xogadores-clave no equipo, sobre todo a nivel ofensivo. Rikelme, natural de Campo Grande (Matogueira Grosso do Sur) comeza a xogar a fútbol sala no Corinthians, nas categorías sub16 e sub18, na tempada 20/21 xoga no Juventude e xa na 21/22 chega ao Pescados Rubén Burela FS onde continuará a súa traxectoria deportiva nesta 23/24.
Manuel Blanco, presidente do CD Burela FS, valora moi positivamente esta renovación, “en ambas tempadas tivo lesións e non puido demostrar o bo xogador que é, pero esperamos que se recupere pronto da lesión e que poida mostrar o seu bo xogo e o apoio que ofrece ao equipo na súa posición de á. É un xogador importante para nós e ten que recuperarse ao 100% para apoiar ao equipo e dar intensidade ao xogo, é un xogador moi novo e ten moito que demostrar aínda. Non puido render ao seu nivel, pero o tempo que estivo ben, demostrou o bo xogador que é e é importante que se recupere ben para axudar ao equipo para acadar os postos máis elevados da táboa durante a competición. É moi novo e ten gran proxección de futuro.”
Rikelme móstrase moi agradecido e contento, “Agradezo a oportunidade e estou moi contento e motivado, síntome coma na casa e espero devolver a confianza que me deu o club”. Sobre a tempada pasada, “foi unha tempada longa e na miña opinión moi boa, non logramos o noso obxectivo principal pero aprendín moito como persoa e o que teño que mellorar para volver máis forte”. Sobre os seus obxectivos persoais e para o equipo, “o meu obxectivo persoal é mellorar como persoa e deportista, tanto dentro como fóra da pista, en canto ao equipo, espero que sexa un grupo unido e competitivo para poder lograr o noso obxectivo que é xogar en Primeira División”. Por último, deixa unha mensaxe á Familia Laranxa, “esta tempada espero volver contar coa nosa forza, que é a nosa afección que sempre nos apoia e axuda en todo momento.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
