Os traballos, cun custo de 111.230€, servirán para renovar os servizos de abastecemento, saneamento e electricidade, así como para mellorar a accesibilidade da rúa
Burela, 22 de agosto de 2023. O Concello de Burela da comezo as obras para renovar a rúa Camiño Real entre as rúa Mestre Don Camilo e a rúa do Ril, realizando un investimento de 111.230€.
A actuación encádrase dentro do Plan Único Provincial do ano 2022, e a empresa adxudicataria é López y Leis SA. Consistirá no levantado de mobiliario urbano e de aceras para renovar todos os servizos, tanto de saneamento como de abastacemento, realizando melloras especialmente nas instalacións eléctricas.
Ademais, tamén servirá para mellorar as beirarrúas e dotalas dunha maior accesibilidade. “É unha actuación que entendemos que era necesaria para seguir mellorando a accesibilidade da vila, xa que a acera era xa bastante antiga”, sinala o concelleiro de Obras, Ramiro Fernández Rey.
O edil explica que “a rede de abastecemento estaba dando bastantes problemas, especialmente polas fugas de auga, polo que decidimos mellorar as instalacións e en particular as que están por debaixo da terra, que son as que adoitan precisar deste tipo de actuacións integrais”.
“O rendemento da rede de abestecemento de Burela está moi por riba da media dos concellos de Galicia, pero oso non quere decir que non vaiamos seguir intentando melloralos. E este tipo de actuacións demóstrano con feitos”, engadiu.
Ademais, Fernández Rey destacou a importancia de evitar as fugas de auga no momento que estamos pasando, onde hai seca en moitos sitios aínda que non sexa o caso aquí”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
