O Valadouro, 7 de outubro, 2023. Como sempre en Valadouro, no inicio do outono, cobra especial protagonismo o mel como produto estrela do val, tantas veces louvado e premiado polas principais institucións galegas do gremio.
Neste 2023, cúmprese a 36ª Edición da Feira do Mel e a Concellería de Medio Rural con Eduardo Chao á fronte, presenta un completo e variado programa que se extende ao longo da vindeira semana e que tamén abrangue aparte do prezado liquido a outro produtos de tempada, como por exemplo a xornada micolóxica do domingo que fará as delicias doss moitos afeccionados aos fungos que habitan a nosa bisbarra.
Como diciamos, preséntase unha ambiciosa programación dirixida a tódolos públicos que principia o mércores 11 de outubro ás 10:00 da mañá cun Obradoiro de Extracción de Mel para nenos/as de 3 a 12 anos, pero aberto a todo o público, na Casa da Cultura do Concello de Valadouro a cargo da Delegación da Asociación Galega Apícola de Mondoñedo.
Continuamos o venres 13, sobre as 18 horas cando teremos na Casa da Cultura unha actividade denominada Abellas! protagonizado por Avelino González, dentro do programa Ler Conta Moito coordinado pola Biblioteca Municipal do Valadouro, de narración oral e de introducción ao público infantil acerca destes simpáticos e beneficiosos bechos.
Máis tarde no mesmo sitio, ás 20:00 horas, acolleremos unha Conferencia especialmente dirixida ao sector apícola, sobre a Varroa e outras enfermidades das abellas impartida pola Veterinaria da Casa do Mel de Goente do Concello das Pontes.
E chegamos ao gran día, sábado 14 de outubro coa apertura da Feira do Mel e produtos de outono as 10:00 horas na Praza de Santa María e nas rúas de Ferreira. É o momento para visitar os postos dos reputados apicultores da zona e achegarse ao fántastico mundo das abellas…e como non, adquirir algún bote de mel para as nosas despensas.
Ás 11:00 horas na mesma praza, teremos un ameno e didáctico Obradoiro de Velas a cargo de Devalo, especialmente dirixido a nenos e nenas, con prazas limitadas para un correcto funcionamento e aproveitamento do obradoiro.
A música tamén estará presente na vila, a cargo dun pasarrúas do grupo Carricantos. Cando cheguemos á unha do mediodía, temos unha boa oportunidade de refrescarnos coa degustación de saborosos eco-cócteles a cargo dun alumno da Escola de Hostalaría de Foz.
Outra tradición da Feira do Mel será probar fortuna co primeiro dous sorteos de produtos da feira a través das rifas que distribúan os postos de venda.
Xa pola tarde, abordaremos un tema de suma importancia no mundo apícola, como é a praga da tristemente famosa vespa asiática. A iso das 18 horas haberá un obradoiro para adultos e nenos/as sobre trampas de velutinas dirixido por José María Vázquez, xerente da empresa SERPA.
Ás 19 da tardiña, xa preto da clausura da feira, haberá un último Sorteo dun Lote de Produtos da feira, pero isto non remata aquí, chega ou tempo da música e o baile ás 8, coa actuación estelar de Jinetes del Trópico.
E o domingo 15 de outubro, unha Xornada Micolóxica: Saída da Praza de Santa María de Ferreira ás 9:30 da mañá nun bus gratuíto para unha actividade de recoñecemento e recollida de exemplares de cogomelos asesorados por Jesús Blanco, experto micólogo e membro da Asociación Os Bolouros.
De volta á Ferreira, será tempo de repoñer forzas e gozar coa música de Brétema Band nunha sesión vermú que arrincará sobre ás 13:30.
E ás 14:30, o broche e acto final desta intensa semana coa saborosa degustación dunha Paella Xigante a base de cogomelos.
Como vedes, moitos días de actos e celebración nesta Semana da Feira do Mel e produtos de tempada na que convidamos a acudir a veciños e visitantes do noso pobo.
Este programa non podería levarse a cabo sen a achega que realiza a Vicepresidencia Primeira, Area de Medio Rural da Excelentísima Deputación de Lugo.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
