O rexedor subliña o respecto institucional absoluto e a colaboración entre todas as administración: Xunta e Concellos de Trabada, Foz e Ribadeo
Ribadeo, 25 de outubro de 2023. O alcalde, Dani Vega, fai unha valoración moi positiva da xuntanza mantida coa Consellería de Medio Rural tras os incendios do pasado 12 de outubro en Trabada, Ribadeo e Foz.
O rexedor declarou: “facemos unha valoración moi positiva da reunión que tivemos hoxe na Consellería de Medio Rural a alcaldesa de Trabada, o alcalde de Foz e un servidor. Creo que foi unha reunión realmente produtiva, onde houbo un respecto institucional absoluto e onde a colaboración das administracións vai ser permanente”.
Vega contou que “estivemos traballando primeiro en detectar cal foi o problema de raíz, creo que hai que facer agora un diagnóstico claro. Pouco a pouco poñeremos propostas enriba da mesa para que toda a veciñanza teña realmente solucións a este problema”.
Para o alcalde de Ribadeo o acontecido o pasado 12 de outubro “foi unha desgraza para a que agora temos que concretar medidas e por iso neste primeiro encontro o primeiro que fixemos foi tomar medidas a curto prazo. Por parte da Consellería vaise elaborar un informe técnico, detallado sobre o estado da masa arborada afectada, que servirá de base para planificar as actuacións oportunas en relación coa recuperación do post incendio. Tamén creo fundamental, e os alcaldes o dixemos con moita claridade, que hai que programar unhas charlas, hai que informar a todos os propietarios, a todas as comunidades de montes, con axentes forestais, con servizo técnico da Xunta, hai que axudar a optimizar a xestión das áreas, de toda a superficie forestal, para axilizar as cortas de madeira co fin de tratar de aproveitar este recurso da mellor maneira posible”.
Dani Vega manifestou que “tamén é fundamental que falemos cos distintos organismos, ben sexa Augas de Galicia ou as Hidrográficas, en definitiva os organismos que teñen que informar para os permisos de corta. Hai que falar con todas as administracións implicadas para axilizar todas esas cortas e que non haxa unha burocracia absurda, elefantiásica, que non se faga isto eterno. Hai que axilizar e así aproveitar este recurso o máis rápido posible”.
O rexedor ribadense considera que “foron tres medidas moi importantes, o cal acordamos os Concellos e a Xunta de Galicia e despois iremos planificando un plan integral do territorio na procura de avanzar cara fórmulas que afonden en seguir traballando na xestión forestal cun enfoque sustentable tanto desde un punto de vista económico, social e ambiental”.
E reiterou que “foi unha reunión moi produtiva cun respecto institucional absoluto e cunha colaboración entre todas administracións, que é o importa realmente”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
