Isabel Rodríguez, participou na VII Xornada de Protección Civil da provincia de Lugo en Ribadeo organizado pola Federación Lucense de Agrupacións de Voluntarios de Protección Civil. A subdelegada resaltou a importancia que ten a xornada para o coñecemento das actuacións a realizar en caso de emerxencias. Rodríguez tamén eloxiou todas as tarefas e traballos que se encargan de realizar as asociacións de voluntarios na provincia e o interese que depositan no labor social tan importante como é o de estar formados en diversas actuacións para a protección da cidadanía e o medio ambiente. A xornada tivo como relatorios “Unidade de apoio loxístico en emerxencia” e “Protocolos de actuación no caso de varadas de cetáceos”, cunha demostración práctica dun caso de varada dun mamífero mariño.
A subdelegada agradece aos voluntarios de Protección Civil o seu labor desinteresado e o seu esforzo pola formación nos protocolos de actuación en caso de emerxencias
Relacionado
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
