José Tomé Roca, quen tamén dirixe o Consorcio Provincial de Bombeiros, mantivo un encontro no Pazo de San Marcos cos sarxentos para trasladarlles os parabéns polo traballo e a profesionalidade do persoal dos parques comarcais durante os incendios
Lugo, 6 de setembro de 2025. O Presidente da Deputación de Lugo e do Consorcio Provincial de Bombeiros, José Tomé Roca, mantivo no Pazo de San Marcos un encontro cos sarxentos dos parques provinciais para expresar de maneira persoal e institucional o seu agradecemento polo intenso e duro traballo realizado polos bombeiros durante a vaga de lumes que afectou con especial gravidade ao sur da provincia de Lugo e tamén á de Ourense.
Tomé Roca destacou “a profesionalidade, entrega e valentía” dos bombeiros, así como a importancia do traballo en equipo con outras administracións e corpos de emerxencia. “O seu esforzo non só serviu para conter o avance das lapas, senón tamén para protexer vidas, vivendas e o noso patrimonio natural. A súa dedicación é un exemplo para toda a sociedade”, subliñou.
Tomé Roca lembrou que, nos días máis complicados da emerxencia, desprazouse ata Quiroga e A Pobra do Brollón para facer seguimento da situación xunto co Delegado do Goberno en Galicia, Pedro Blanco Lobeiras, a Subdelegada do Goberno en Lugo, Isabel Rodríguez López, e alcaldes da Ribeira Sacra, visitando os terreos máis afectados e coñecendo de primeira man o labor dos equipos de extinción.
“Desde o primeiro momento estivemos coordinados co Centro de Coordinación Provincial de Loita Contra Incendios (Cecopi), quen dirixiu o operativo, e puxemos todos os medios dispoñibles do Consorcio ao servizo do dispositivo, con lealdade, responsabilidade e solidariedade”, sinalou o Presidente.
Durante a vaga de lumes, o Consorcio Provincial mobilizou efectivos, bombas nodrizas e vehículos de mando dos parques de Monforte de Lemos, Chantada, Viveiro, Vilalba, Barreiros e Sarria. Ademais, segundo as indicacións do Cecopi, reorganizáronse os recursos para garantir que en todo momento estivesen dispoñibles os medios necesarios alí onde eran máis precisos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
