Ribadeo, 3 de setembro, 2025. A pesar das continuas queixas da veciñanza e das denuncias realizadas polo grupo municipal do BNG, “a imaxe que está dando Ribadeo durante todo o verán coa súa falta de limpeza é lamentable”. “Seguimos a ver contedores desbordados, regueiros de graxa por varias beirarrúas e suciedade por calquera parte de Ribadeo. Nas parroquias do rural os contedores de cartón non se recolleron en todo o verán”.
“Lugares e espazos emblemáticos do noso concello ofrecen aos veciños, e á xente que nos visita nestas datas, unha sensación noxenta, á que se suma o deterioro e a desatención ao mobiliario urbano da maior parte deses espazos. Dá igual por onde te movas; en calquera recuncho de Ribadeo, por onde vaias acompañarate a sensación de deixadez na limpeza viaria e, por momentos, unha cheirume que chega a ser nauseabunda”.
“Onde van agora todos eses que proclamaban aos catro ventos o mal que estaba Ribadeo en anos anteriores? Aqueles e aquelas que decían Ribadeo huele mal? debe ser que xa perderon o sentido do olfato; ulindo o que hai que ulir, case mellor para eles. É que acaso esqueceron, ao chegar ao goberno, algo tan prioritario como o servizo de limpeza da nosa vila?”.
“O que ocorre é que temos un goberno municipal desbordado; que non sabe xestionar, e as consecuencias pagámolas moi caro as veciñas e veciños. Son capaces de limpar as arcas públicas, pero de manter limpas as rúas, vese que non”, remata o BNG.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
