O alcalde subliña que o equipo de goberno está a traballar co máximo criterio, co máximo rigor e coa máxima eficacia
Ribadeo, 9 de novembro de 2023. Dan comezo as obras de mellora do hospital asilo, que suporán un investimento de 1.600.000 euros. O alcalde, Dani Vega, destaca que a Xunta achegará unha partida de 700.000 euros, que se irá incrementando paulatinamente.
O rexedor afirmou que “comezan as obras do hospital asilo e durante estes meses o Concello estivo a traballar arreo para mellorar esta instalación”.
Vega tivo palabras de agradecemento para os técnicos municipais: “quérolles dar as grazas a todos os técnicos municipais, tanto de benestar social como de urbanismo, porque entre todos fixemos algo posible: mellorar unha infraestrutura que dentro dun meses vai ter que acoller a persoas e teñen que estar perfectamente”.
O alcalde dixo: “imos investir diñeiro público, polo tanto non é facer unha obra rápido e correndo, iso tradúcese en tirar os cartos de todos. Melloraremos esta instalación e tamén estivemos a informar durante todos estes meses aos grupos da oposición, tanto ao PSOE como ao BNG. Estiveron informados permanentemente dos pasos que iamos a dar: mellorar as infraestruturas, mellorar certas cousas que observamos entre todos que era conveniente facer unha actualización do propio hospital asilo, tamén elaboraramos un plan de seguridade e propúxose unha dirección da obra”.
Dani Vega indicou que “todos estes pasos levaron un tempo, teñen unha burocracia e seguramente que se tiñan que facer mais rápidos, pero non é cuestión nin unha decisión miña nin tampouco dos técnicos, son os prazos que hai que cumprir. Todo o que se fixo foi co máximo rigor, co máximo respecto e pensando no mellor para as familias e para as persoas que virán vivir nos vindeiros meses a esta residencia”.
O rexedor asegurou que “comezan unhas obras que teñen un orzamento de 1.600.000 euros e seguramente que esta cifra se incrementará e por iso nos estivemos preocupando en xestionar. A Xunta de Galicia vai achegar 700.000 euros, pero esa cifra se incrementará paulatinamente e nese traballo estivemos e estamos, xestionando orzamento para garantir que o Concello non teña que poñer unha cantidade moi importante. E se podemos non poñer nada e a Xunta nos axuda en practicamente todo pois moito mellor”.
Vega sinalou que “a achega do doutor Moreda de 700.000 euros máis a da Xunta nos garante a obra. Estes pasiños, pouco a pouco, co máximo criterio, co máximo rigor e coa máxima eficacia e traballando conxuntamente cos técnicos municipais, porque é bo oír ás dúas partes, a parte urbanística e tamén a de benestar social, foi no que estivo a traballar este goberno municipal, este Concello de Ribadeo”.
O alcalde engadiu que “empeza unha obra moi importante, fundamental e necesaria para todos os ribadenses”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
