Os concelleiros do PP sinalan que “o estado intransitable dos camiños coma o das Testas, Os Cucos e Xemaré provoca atrasos no traballo diario dos gandeiros”
Xermade, 15 de novembro de 2023. O Grupo Municipal do PP de Xermade insta ao goberno local a realizar periodicamente os traballos de mantemento das pistas e camiños. Os concelleiros defenden que “os camiños públicos facilitan a vida da veciñanza e favorecen o traballo no rural” e, polo tanto, “non se poden deixar abandonar”. Así o manifestaron no último pleno poñendo como exemplo algúns camiños da parroquia de Burgás que comunican As Testas, Os Cucos ou Xemaré.
O portavoz, Antonio Riveira, explica que “os accesos ás fincas agrícolas son de vital importancia para as explotacións gandeiras do municipio e, no caso das zonas onde impera o minifundismo, máis aínda”. De feito, na parroquia de Burgás “os veciños téñennos trasladado o seu malestar porque as pistas de acceso ás fincas son intransitables e provocan atrasos no traballo diario dos gandeiros”. E isto débese ao seu “estado de abandono”; xa que “fai anos que non se lles realiza un mantemento”.
O camiño das Testas -que comunica incluso lugares poboados como As Testas e o Carballal e que fora mellorado por anteriores gobernos municipais- atópase abandonado nos últimos anos e resulta “intransitable”. O camiño dos Cucos -tamén acondicionado por un goberno popular- presenta abandono e “importantes fochancas que denotan a falta de interese pola súa conservación”. E o camiño de Xemaré, en dirección a Castiñeiras, ademais dun mal estado no primeiro treito “chega un punto no que non se pode transitar por el”.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
