A institución provincial contribúe co seu apoio económico ao mantemento da sede da asociación e a potenciala como un lugar de encontro e actividade das 66 familias que residen ou teñen vivenda nesta parroquia vicedense
Lugo, 2 de decembro de 2023. O Presidente da Deputación de Lugo, José Tomé Roca, asinou no Pazo de San Marcos con Andrés José Couce Baño, presidente da asociación veciñal O San Miguel, das Negradas, no Vicedo, un convenio de colaboración co que a institución provincial aporta preto de 5.000€ para arranxar o tellado e renovar o mobiliario do local social do colectivo na parroquia.
A cuberta do i.nmoble ten desperfectos e fisuras, polo que pasa a auga, o que imposibilita que cando chove se poidan realizar actividades no interior. Os fondos que aporta a Deputación servirán tamén para adquirir unha impresora e unha neveira, equipamento necesario para a actividade do colectivo veciñal.
Desta forma, a institución provincial contribúe co seu apoio económico ao mantemento da sede da asociación e a potenciala como un lugar de encontro e actividade das 66 familias que residen ou teñen vivenda nesta parroquia vicedense. O local atópase situado no lugar de Mosteiro, nas Negradas, e foi construído polo colectivo no ano 1990.
Esta asociación cumpre un labor social de moita importancia na parroquia, brindando a posibilidade de relacionarse aos veciños e veciñas de diferentes núcleos, ademais de ser un centro de reunión e confraternidade.
Esta colaboración co colectivo veciñal O San Miguel responde ao compromiso que mantén a Deputación de Lugo de apoiar ao tecido social da provincia para mellorar e ampliar servizos, co obxectivo de favorecer así a calidade de vida da veciñanza e contribuír a fixar poboación no rural.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
