O secretario xeral para o deporte, José Ramón Lete Lasa, comprobou as obras que se executan no Campo Municipal de Celeiro, financiadas polo Goberno galego
Viveiro, 4 de decembro de 2023. A Secretaría Xeral para o Deporte destina anualmente preto de 100.000 euros a impulsar a actividade deportiva no municipio de Viveiro, apoiando o labor dos clubs e outras entidades, a organización de eventos ou a mellora das instalacións. En concreto, no período 2022-2023 investiu 194.800 euros, distribuídos practicamente a partes iguais en cada exercicio.
O secretario xeral para o deporte, José Ramón Lete Lasa, acompañado polo delegado territorial da Xunta en Lugo, Javier Arias, comprobou hoxe as obras de reforma de instalación eléctrica que se levan a cabo no Campo de Deportes Municipal de Celeiro, onde tamén se instalarán novas dotacións como vestiarios, sanitarios, bancos para os equipos, redes ou unha varanda de separación entre o terreo de xogo e os espectadores.
O Goberno galego achegou ao Concello de Viveiro 50.000 euros para estes traballos, a contía máxima prevista na orde de subvencións para a construción, reforma, reparación, adecuación ou mellora de instalacións deportivas de titularidade municipal.
A meirande parte do orzamento responde á colaboración da Xunta con máis dunha vintena de clubs deportivos viveirenses que ofertan en conxunto 17 modalidades distintas. As axudas teñen por obxectivo contribuír cos gastos derivados da súa actividade e, por outro lado, facilitar a adquisición de material deportivo e demais dotacións, convocatoria orientada este ano á compra de equipamento adaptado para mellorar a inclusión dos deportistas con discapacidade.
Catro clubs do municipio participan no programa de deporte escolar da Xunta Xogade, nas especialidades de atletismo, balonmán e xadrez, e a Secretaría Xeral para o Deporte tamén sufraga os seguros dos deportistas federados de 14 entidades de Viveiro, medida que beneficia aos rapaces e rapazas de entre 6 e 16 anos.
Instalacións máis seguras
O secretario xeral para o deporte e o delegado territorial tamén se desprazaron a Xove para supervisar os traballos de substitución da cuberta da bancada norte do campo de fútbol, para as que a Xunta achega igualmente 50.000 euros.
Os mandatarios galegos sinalaron que esta orde de axudas pretende reforzar a seguridade e a calidade das instalacións e infraestruturas deportivas públicas, que resultan imprescindibles á hora de procurar recursos que faciliten a práctica deportiva á cidadanía en xeral e as asociacións e clubs en particular.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
