O delegado territorial, Javier Arias, explicou que está convocada a cuarta edición das achegas, que son de concorrencia non competitiva e contan cun orzamento de 3M€
Lugo, 18 de decembro de 2023.- A Xunta de Galicia destinou 1.674.000 euros a 394 empresas lucenses nos tres últimos anos para incentivar a eficiencia enerxética a través do Bono Enerxía Peme, convocado por primeira vez no ano 2021.
O delegado territorial de Lugo, Javier Arias, visitou hoxe as instalacións da academia Infórmate en Lugo, unha das firmas apoiadas por este programa, onde explicou que está convocada a cuarta edición das achegas e o prazo de presentación de solicitudes abrirase o 10 de xaneiro; os interesados poden consultar as bases no DOG ou na sede electrónica da Xunta.
As axudas, que son de concorrencia non competitiva, contan cun orzamento de 3 millóns de euros e están dirixidas á mellora enerxética das instalacións dos autónomos e pemes que desenvolvan actividades do sector servizos.
En concreto, son subvencionables proxectos de diagnose ou auditoría enerxética e actuacións que permitan reducir o consumo de enerxía, como a incorporación de elementos de control solar -toldos ou similares- ou de sistemas domóticos ou inmóticos para xestionar o gasto enerxético de maneira máis eficiente; tamén a renovación de equipos de iluminación, a substitución de equipamento -como cafeteiras, lavalouzas, lavadoras, secadoras, vending ou frigoríficos-, e a reforma da instalación eléctrica, de climatización, ventilación e auga quente sanitaria.
En xeral, o investimento mínimo xustificable será de 1.000 euros e a intensidade de axuda alcanza o 80 % ata un máximo de 6.000 euros por centro de traballo. Se só se solicita axuda para asesoramento enerxético, o investimento mínimo establécese en 200 euros. Os beneficiarios poderán solicitar un anticipo de ata o 50 % da axuda sen necesidade da presentación de avais.
Javier Arias apuntou que se estima que as achegas beneficiarán a 700 autónomos e pemes en Galicia, que disporán de instalacións máis modernas e seguras e sumarán un aforro anual duns 600.000 euros no abastecemento enerxético.
Ademais, este programa dinamiza a economía dado que favorece unha gran capilaridade dos fondos xerando actividade nas empresas locais; prevese que o investimento mobilizado polos proxectos subvencionados acadará os 7,3 millóns de euros.
Renovación de iluminación
O Centro Galego de Estudos Infórmate recibiu unha achega do Bono Enerxía Peme na última convocatoria para a renovación completa da iluminación, substituíndo luminarias de alto consumo, fluorescentes e halóxenos por elementos de tecnoloxía LED.
En total, cambiáronse 96 puntos de luz, conseguindo unha redución do consumo eléctrico anual de preto do 57% ao pasar de 15.263 kWh a 6.596 kWh.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
