A Administración autonómica participará a petición dos traballadores nun comité técnico no que se abordará a situación dos parques eólicos vinculados á subministración enerxética a esta industria
Santiago de Compostela, 28 de decembro de 2023. O presidente da Xunta, Alfonso Rueda, a vicepresidenta segunda e conselleira de Medio Ambiente, Territorio e Vivenda, Ángeles Vázquez, e a conselleira de Economía, Industria e Innovación, María Jesús Lorenzana, mantiveron hoxe un encontro co comité de empresa de Alcoa, ao que trasladaron o máximo compromiso do Goberno galego coa actividade industrial e o emprego na factoría da Mariña.
Un dos temas abordados na reunión, celebrada a petición dos representantes dos traballadores, foi a recente caducidade por parte do Goberno central dos permisos de acceso e conexión de cinco parques eólicos vinculados á subministración enerxética a Alcoa. Ademais de lembrar que desde a Administración autonómica se enviaron todos os informes en prazo, sinalouse que na normativa que hoxe se publica no Boletín Oficial do Estado (BOE) non se recolle ningunha solución específica para estes parques, sen prevalecer os que teñen acordos coas industrias, neste caso con Alcoa.
Tal e como informou en declaracións aos medios a conselleira de Economía, Industria e Innovación, María Jesús Lorenzana, o comité de empresa solicitou a creación dun comité técnico para poder tratar polo miúdo as dificultades que se están dando en relación con estes expedientes. Deste comité formarían parte tanto o Goberno central, a través do Ministerio de Industria e Turismo e do Ministerio para a Transición Ecolóxica e o Reto Demográfico, como a Xunta de Galicia, a través da Consellería de Economía, Industria e Innovación e da Consellería de Medio Ambiente, Territorio e Vivenda. Á espera de que os traballadores comuniquen esta petición ao Goberno central, o propio presidente Alfonso Rueda trasladoulles a disposición da Xunta a participar neste comité.
Segundo sinalou Lorenzana, na xuntanza celebrada hoxe tamén se avaliou a situación da balsa de lodos vermellos, e neste sentido desde o Goberno galego garantiuse que terá unha tramitación ambiental idónea e coa máxima prioridade e axilidade.
A conselleira de Economía, Industria e Innovación apuntou así mesmo que, en relación coa suspensión temporal da actividade comunicada pola empresa, a Xunta continuará requirindo a Alcoa para que concrete que cuestións solicita a cada Administración para apoiar a fábrica. Unha cuestión na que se seguirá insistindo na reunión da mesa de seguimento que a secretaria de Estado de Industria convocou para o mes de xaneiro.
De xeito paralelo, Lorenzana subliñou que a asesoría xurídica da Xunta vai continuar prestando apoio, como xa se fixo co ERE, para analizar un eventual incumprimento do acordo asinado da empresa co comité. Desde a Administración autonómica vaise seguir solicitando así mesmo a Alcoa que concrete os termos desa paralización e cando se vai continuar cos investimentos previstos no acordo.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
