O conselleiro de Cultura, Educación, FP e Universidades, Román Rodríguez, destacou no acto de clausura que coas Xornadas Ribadeo contribúe á historia do Camiño de Santiago
Ribadeo. Domingo, 3 de decembro de 2023. O conselleiro de Cultura, Educación, Formación Profesional e Universidades, Román Rodríguez; o alcalde de Ribadeo, Daniel Vega, e o presidente da Academia Xacobea, Xesús Palmou, puxeron este mediodía o punto final ás XVIII Xornadas Mar por Medio destacando os vínculos e o compromiso da localidade co Camiño de Santiago e anunciando que este programa de conferencias e actos divulgativos, nacido a comezos dos anos 90 e recuperado o ano pasado tras un longo parón, terá continuidade en futuras edicións. “Garantimos que van seguir as Xornadas”, asegurou o rexedor ribadense tras agradecer o traballo da Academia Xacobea, da concelleira Begoña Sanjurjo e do resto do seu equipo e dos traballadores municipais, así como a colaboración da Universidade de Santiago de Compostela, a Deputación, “e sobre todo da Xunta e do seu conselleiro Román Rodríguez”. Daniel Vega explicou que desde Ribadeo queren enviar a mensaxe de que hai que “conservar, coidar, mimar e seguir apostando polo Camiño de Santiago. Non hai que falar do Camiño só cando hai Xacobeo, hai que facer unha pedagoxía constante e esa é unha responsabilidade de todas as administracións”.
En similares termos expresouse o conselleiro de Cultura ao sinalar que “o Camiño é un dos símbolos de identidade máis importantes de Galicia, un elemento que nos articula, unha experiencia que nos enriquece, un valor do que temos que estar orgullosos e que, como di o alcalde, temos que coidar”. Román Rodríguez explicou tamén que coas Xornadas Mar por Medio “unha vila fermosa, atractiva e con gran historia como Ribadeo contribúe á historia do Camiño” e destacou que a localización das Xornadas é perfecta “porque aquí esta una das portas dunha das rutas Patrimonio da Humanidade como é o Camiño do Norte”. O conselleiro concluíu a súa intervención apuntando que “todo o que fagamos por potenciar o Camiño interésanos aos galegos porque supón potenciarnos a nós mesmos facéndoo ademais co mellor que temos: a nosa historia, o noso patrimonio, a nosa cultura, a nosa paisaxe, a nosa gastronomía e a nosa Universidade. Todo o moito e bo que temos”.
“Para que as Xornadas se puidesen desenvolver con éxito foi necesaria a colaboración da Xunta e do Concello e do seu alcalde, da USC e da Deputación, e quero destacar tamén a colaboración da concelleira Begoña Sanjurjo e de Manuel Valín”, expresou pola súa banda Xesús Palmou, quen destacou tamén o “extraordinario nivel de todos os conferenciantes” e mostrou a súa satisfacción polo desenvolvemento das Xornadas. O presidente da Academia Xacobea sinalou que esta foi a edición da súa consolidación e mostrou o seu convencemento de que as Xornadas terán continuidade nos próximos anos para seguir así, desde unha localidade transcendental do Camiño, traballando por cumprir o “obxectivo da promoción e a difusión do Camiño de Santiago e dos valores que xurdiron ao longo da peregrinación e que hoxe están presentes na civilización europea”.
O acto de clausura deste mediodía puxo o final a unha última sesión de conferencias que permitiu ao público congregado no auditorio Hernán Naval seguir as intervencións de expertos e especialistas en distintos ámbitos xacobeos como o catedrático da USC Rubén Lois, os xornalistas Xosé María García Palmeiro e Elena Goyanes Vilar, e o catedrático emérito do Queen’s College da Universidade de Oxford, John Rutherford.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
