Viveiro, 5 de agosto, 2026. Viveiro vive unha nova edición coa XLVI Mostra Folklórica Internacional, un evento que encherá a vila de música, danza, tradición e intercambio cultural. A Mostra, organizada pola Asociación Cultural Bágoas da Terra e apoiada por institucións públicas e empresas privadas, reunirá agrupacións de Galicia, Asturias, Andalucía, Castela-A Mancha, Armenia, Filipinas, Perú e Guinea-Bisáu, reforzando o carácter internacional dun festival pertencente a CIOFF, entidade vinculada á UNESCO.
A programación arrincará o 5 de agosto coa exposición Ruta Xacobea do Camiño do Mar entre Asturias e Galicia na sala de exposicións do Concello de Viveiro. Ao longo da xornada, as rúas e prazas da vila acollerán audicións musicais dos corpos de música dos grupos participantes, que interpretarán pezas tradicionais dos seus países. Ás 12:00 horas, o grupo infantil Mazantini de Ciudad Real actuará na Residencia Betania.
O 6 de agosto, a Praza Maior converterase no escenario da Mostra Folklórica Infantil, coa participación dos grupos “Xoaniña” de Saiñas de Xove, “Mistura” de San Cibrao, ACR “Os do 21” de O Vicedo e os grupos infantís de Bágoas da Terra —Pindusa, Ledaña e Abrente—, ademais do grupo convidado Mazantini de Ciudad Real.
O 7 de agosto, o protagonismo será para o Concerto de Música Folk de Bágoas da Terra, unha formación que desde 1995 combina instrumentos tradicionais con outros como sanfona, acordeón ou guitarra, creando unha proposta musical diversa que inclúe muiñeiras, xotas, rumbas ou boleros. O grupo, cunha ampla traxectoria en escenarios de Galicia e España, ofrecerá unha audición chea de variedade rítmica e tímbrica.
O 8 de agosto, Viveiro encherase de cor co Desfile das Nacións, que percorrerá as rúas desde o Conservatorio Profesional de Música, seguido da recepción oficial das autoridades cos grupos participantes. Pola noite, o público gozará do espectáculo Especial Andalucía, protagonizado polo Grupo de Coros y Danzas de Ronda (Asociación Folklórica Abul-Beka), que presentará unha mostra do folclore andaluz.
O festival culminará o 9 de agosto coa Gran Gala Internacional, na que participarán o Traditional Dance Ensemble “Hachn” (Armenia), “Pasacat” Philippine Performing Arts (Filipinas), o grupo “Identidad Perú”, “Netos de Badim” (Guinea-Bisáu), Coros y Danzas “Abul-Beka” de Ronda e Bágoas da Terra como anfitrión. A gala porá o broche final a unha edición marcada pola diversidade cultural e pola presenza de agrupacións de catro continentes.
A Mostra contará co apoio da Xunta de Galicia, Galicia Calidade, Xacobeo 2027, Ministerio de Cultura, Concello de Viveiro, Deputación de Lugo e numerosas empresas colaboradoras, que farán posible un ano máis a continuidade dun festival que suma xa 46 anos de historia. A retrospectiva fotográfica incluída na programación permitirá tamén achegarse á evolución do evento e á traxectoria de Bágoas da Terra, unha das agrupacións folclóricas máis veteranas e recoñecidas de Galicia.
A Mostra de Viveiro non é só un festival de verán, é un dos eventos culturais máis rigorosos e prestixiosos de España:
– Selo CIOFF-UNESCO: Organizada por Bágoas da Terra desde 1979, a Mostra está integrada en CIOFF (Confederación Internacional de Organizacións de Festivais de Folclore), organismo colaborador oficial da UNESCO.
– Importancia institucional: É un dos poucos festivais de folclore en toda España que conta coa subvención do Ministerio de Cultura, ademais do respaldo clave de diversas consellerías da Xunta de Galicia, do Concello de Viveiro e da Deputación Provincial.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
