Burela, 13 de decembro, 2023. A Fundación Expomar organiza a celebración do chamado “Día do Orgullo Mariñeiro”, que terá lugar en Burela e en toda a Mariña Lucense este venres 15 de decembro, combinando a divulgación nas escolas, a exaltación da cultura mariñeira e a gastronomía do mar.
A primeira parte da xornada denomínase “Orgullo Mariñeiro nas Escolas” e terá lugar nos comedores escolares de 8 colexios públicos da Mariña Lucense, onde máis de 700 nenos comerán ese día “Merluza de Burela” nos seus menús. Os centros educativos que recibirán pescada da lonxa de Burela nos seus comedores serán o CEIP Plurilingüe Virxe do Carme e CEIP Plurilingüe Vista Alegre de Burela; o CEIP Plurilingüe de Foz Número 1; o CEIP Península da Paz de San Cibrao; a Escola de Educación Infantil San Roque, o CEIP Lois Tobío e o IES María Sarmiento de Viveiro; e o CEIP Antía Cal Vázquez de Muras.
O conselleiro do Mar da Xunta de Galicia, Alfonso Villares, participará activamente neste evento e durante a mañá estará presente nalgún destes centros educativos para apoiar a iniciativa.
O segundo bloque da xornada, que se titula “Orgullo Mariñeiro no Escenario”, celébrase no auditorio da Casa da Cultura de Burela este venres a partir das 6 da tarde, coa proxección da película documental “Escamas, Sangue!”, producida e dirixida por Adrián Canoura e Breixo Llano. A continuación terá lugar unha charla coloquio cos protagonistas do documental, producido en 2014 polo 20 aniversario da “Guerra del Bonito”.
A continuación actuará a Coral Polifónica de Burela e intervirán a presidenta da Fundación Expomar e alcaldesa de Burela, Carmela López, e o director xeral de Pesca da Xunta de Galicia, Antonio Basanta, que clausurará a xornada cultural.
Para finalizar este “Día do Orgullo” a carpa do Nadal de Burela, instalada na praza da Mariña, acollerá o último bloque da xornada: “Orgullo Mariñeiro no Prato”, unha festa popular de “Peixe de Burela” con degustación gratuíta de receitas elaboradas con diferentes especies da lonxa de Burela.
Esta acción está organizada pola Fundación Expomar coa colaboración do Concello de Burela, e cofinanciada pola Xunta de Galicia e o Fondo Europeo Marítimo, de Pesca e de Acuicultura (FEMPA).
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
