Ao remate, como sempre, haberá racións de callos de balde para todas as persoas asistentes
Cervo, 27 de decembro de 2023. O Concello de Cervo e a Asociación Amigos da Troula anunciaron o cartel da quinta edición do Callo Fest, que terá lugar na Praza dos Campos de San Cibrao o venres, 29 de decembro, e que contará con Abaixo Cu Sistema e Deleiba como principais atrativos musicais.
O festival naceu no ano 2017 co fin de unir música e gastronomía á hora de celebrar unha festa de pre-fin de ano para todos os membros da familia. Coa súa quinta edición convértese xa nun dos atractivos da comarca no Nadal.
Este ano contará baixo a carpa do epicentro sancibrense con catro actuacións de rock, metal e punk rock, que rematarán a noite cun dj que pinchará diferentes estilos musicais. Todo iso, como sempre, redondeado cunha ración de callos ao remate de todos os concertos.
O principal reclamo musical da cita será a banda portuguesa Abaixo Cu Sistema, tributo a System of a Down, que conta cunha longa traxectoria musical, incluídas varias actuacións no Resurrection Fest.
O grupo Deleiba chega desde Muros, avalado polo seu crecemento nos últimos anos, tocando en festivais de renome como o Caudal Fest, o Tsunami Xixón ou o Resurrection Fest.
Pola súa banda, Madame Rachel está formada por cinco lucenses que decidiron unirse para crear unha banda de hardcore melódico con tintes das bardas do norte de Europa, que se suben ao escenario para desfrutar e facer gozar ao público.
O último dos grupos, Calle del Ruído, chega desde Meis, Pontevedra, cun estilo rock agresivo que seguro que porá os pelos de punta a todas as persoas que se acheguen á Praza dos Campos.
O dj local Conxuro porá o broche final á noite, con música de todos os estilos, para facer desta noite de pre-fin de ano un evento inesquecible.
Unhas badaladas de fin de ano especiais
Ao chegar ás 0:00 horas, entre tanta música farase un breve silencio para dar comezo ás tradicionais badaladas de fin de ano, para as que a organización repartirá cotillón e “uvas da sorte” e así dar, dese xeito, a entrada ao 2024 nunha noite cargada de moitas emocións e rock & roll.
Desde a organización do festival recomendan estar atentos ás súas redes sociais nas vindeiras semanas para estar atentos e atentas a todas as novidades para esta quinta edición.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
