A presidenta provincial e cabeza de lista ás autonómicas compareceu en rolda de prensa xunto ao alcalde de Palas de Rei e integrantes da candidatura popular para valorar “a falta de compromiso do Goberno de España co proxecto de Altri”
Lugo, 31 de xaneiro de 2024. A presidenta do PP lucense e cabeza de lista ás autonómicas, Elena Candia, asegurou que “o Goberno de Pedro Sánchez é unha auténtica máquina de destruír a industria e o emprego desta provincia”. Durante unha rolda de prensa na que participou o alcalde de Palas de Rei, Pablo Taboada, e membros da candidatura ás autonómicas, condenou “a falta de compromiso do Goberno de Pedro Sánchez co que nós consideramos un proxecto transformador para a nosa provincia como é a fábrica de fibras téxtiles de Altri”. Tamén avanzou que “pediremos en todas as Cámaras Parlamentarias unha rectificación ao Goberno para que apoie aos proxectos vitais para a provincia e para Galicia” porque “os lucenses e os galegos non somos menos que ninguén”.
Para os populares “deixar a Altri sen conexión da rede eléctrica para a planta de biofibras fai saltar todas as alarmas. Primeiro, porque este anuncio implica que o Goberno non ten interese en apoiar a este proxecto. E, segundo, porque se demostra que Pedro Sánchez mentiu descaradamente ao presidente Rueda, en xullo de 2022, cando publicamente lle trasladou o apoio do Executivo para Altri”.
O rexedor popular de Palas de Rei cre que “este anuncio é un paso atrás” porque “a enerxía é básica para este proxecto”. Polo tanto, considera “unha tristeza a total falta de compromiso do Goberno con este proxecto importantísimo para Galicia e a nosa provincia”. Pablo Taboada lamentou que “a liña do Goberno nos últimos meses é a contradición: un día sae unha información e ao día seguinte contradina ou rectifícana”. De feito, “hoxe escoitabamos ao delegado do Goberno escusarse dicindo que o proxecto aínda non está definido”, a pesar de que “toda a empresa está traballando dende fai dous anos de forma continua, posicionándose sobre o terreo e incluso sendo declarado proxecto estratéxico pola Xunta de Galicia”. Polo tanto, considera esta actitude como “unha falta de respecto á nosa provincia por parte do Goberno, do PSOE e do BNG que é cómplice activo”.
RESPONSABILIDADE DO PSOE E DO BNG
O PP pide “responsabilidades políticas, por coherencia e dignidade”, despois de que “Sánchez tivera a cara de vir o sábado a Lugo sen anunciar nada importante para saldar as débedas coa provincia, o luns o propio ministro de Industria recoñecera ante unha interpelación do deputado lucense Francisco Conde que o Goberno non comezar a traballar no proxecto ata decembro de 2023 e que o martes comunique que se deixa sen rede eléctrica a Altri”.
Elena Candia pediu, polo tanto, “responsabilidades ao Partido Socialista, ao seu candidato: o home-anuncio de Sánchez en Galicia que pasará á historia por ser o candidato do PSdeG menos crible e menos solvente dende que existe a democracia. E tamén ao BNG que firmou un pacto co único obxectivo de evitar que goberne a lista máis votada polos españois, pero no que nin PSOE nin BNG tiveron en conta este proxecto”.
A popular considera que “a persecución de Pedro Sánchez con Lugo, coa complicidade do BNG, está a ser claramente preocupante e demoledora para o desenvolvemento socioeconómico do noso territorio”. E, nese sentido, pediu ao Goberno central “seriedade e rigor. Non se pode falar de reindustrialización, cando están poñendo en perigo 3.500 empregos (entre Altri e Alcoa) nunha provincia de pouco máis de 300.000 mil habitantes como a de Lugo”.
ALCOA
Candia explicou que “no caso de Alcoa, as axudas de compensación de C02 anunciadas polo Goberno non solucionan o problema. A solución é fixar un prezo competitivo como teñen outros países como Francia e Alemaña. E esta solución só pode dala o Goberno; todo o demais, é facernos a envolvente”. Polo tanto, incidiu en que “o que nos vende o Executivo é unha cortina de fume. Estas axudas tan só son un 8,8% do total dos ingresos de CO2; é dicir, 500 millóns de euros menos dos que se deberían incluír no Orzamento deste ano, pois o límite que fixa a UE son 850 millóns”.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
