A candidata socialista ao 18-F subliña que o PP deixou a ambulancia medicalizada con base en Foz cun só técnico, o que supón un agravio comparativo e precariza a calidade asistencial
A Mariña, 31 de xaneiro de 2024. A número tres da candidatura socialista pola provincia de Lugo ás eleccións autonómicas, Mayra García Bermúdez, garantiu que José Ramón Gómez Besteiro apostará dende a Presidencia da Xunta por garantir e dotar de máis persoal o servizo de ambulancia medicalizada da Mariña, con base en Foz.
“No ano 2018, a Xunta recortou persoal e deixou este servizo sanitario tan importante para a nosa comarca cun técnico menos, agora só están tres persoas (un técnico, un médico e un enfermeiro). No resto de Galicia, menos en Foz, Salnés e Monforte, a ambulancia medicalizada conta con catro persoas (dous técnicos, un médico e un enfermeiro), o que supón un agravio comparativo e precariza a calidade asistencial dos nosos veciños e veciñas. Non queremos ser cidadáns de segunda”, asegura a socialista.
Mayra García lembra tamén que, “dende que o PP entrou na Xunta, a ambulancia de Soporte Vital Básico de Foz non ten servizo nocturno, cando todas as noites hai urxencias en Foz. Isto o que nos indica é que non estamos cubertos polas noites ante calquera incidencia grave, terían que acudir as outras ambulancias dende bases moi afastadas, cando todos sabemos que cando hai unha urxencia o tempo é fundamental para facer unha boa atención”, asegurou a socialista.
“Estamos ante un gran agravio comparativo co resto de comarcas, que redunda tanto en peores tempos de chegada das ambulancias ante calquera imprevisto ou accidente e tamén nunha peor calidade asistencial”, asegura a candidata. Lembra, así mesmo, que as queixas son continuas, tanto do persoal como das propias persoas usuarias, que ven como o transporte sanitario está precarizado e dando un servizo totalmente insuficiente.
A candidata comprometeuse a que cando Besteiro sexa Presidente da Xunta, “os socialistas recuperaremos o persoal e a atención sanitaria que necesitan e que merecen os nosos veciños e veciñas” . “Activaremos un plan urxente para devolverlle á sanidade pública a calidade que tiña en Galicia, especialmente na atención primaria e na calidade do servizo de ambulancias. E farémolo dotando de máis investimento e máis persoal sanitario, que é o que están pedindo dende hai anos os traballadores e traballadoras e tamén a nosa veciñanza”, asegura.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
