Burela, 30 de xullo, 2026. Nicholas López Castro (Miami, 2002) cumprirá a súa segunda tempada no Reyco Burela FS. O ala pecha as renovacións do bloque de Juanma Marrube, despois das confirmacións de Pitero, Izan, Raid e Alán.
Formado na escola laranxa, Nico incorporouse ao vestiario do Mariskal como reforzo de inverno procedente do Xove FS, tras varios meses participando nos adestramentos do primeiro equipo.
“Seguir en Burela significa moitísimo para min. Burela é o pobo onde medrei, así que poder defender as cores deste club é algo moi especial. Desde que cheguei sentinme como na casa e tiña claro que quería continuar porque creo neste proxecto. Estou moi agradecido pola confianza que o club depositou en min e con moitas ganas de seguir medrando e axudando ao equipo”, confesaba o 77 laranxa, que reside na vila mariñá desde os 11 anos.
O ala zurdo será unha das cinco pezas de continuidade no proxecto, tras a súa primeira experiencia en Segunda, da que extrae unha lectura moi enriquecedora:
“A tempada pasada ensinoume que hai que ter paciencia, traballar todos os días e aproveitar cada oportunidade. Aprendín moito, tanto nos bos como nos malos momentos, e todo iso axudarame a afrontar esta nova tempada con máis experiencia, máis confianza e con moitas ganas de seguir crecendo e axudando ao equipo”.
Nico vese con confianza e ilusión, e destaca a súa conexión con Juanma Marrube:
“Creo que veremos a un Nico con moita máis confianza e con moitísimas ganas de competir. Este ano o equipo cambiou moito, pero estou moi ilusionado co proxecto. Ademais, xa coñezo a forma de xogar que quere o adestrador e o que espera de min dentro da pista, así que iso axudarame a adaptarme desde o primeiro día. Persoalmente, teño moitas ganas de comer a pista, demostrar quen son de verdade e axudar ao equipo para conseguir os seus obxectivos”.
O conxunto mariñán tamén contará coas novidades do meta hispano-brasileiro João Victor, o ala andorrano Adriá Blat, o pivote valenciano Pablo Moreno e o ala-peche almeriense Adri Mora.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
