Néstor Rego exixiu a Hereu unha Transición Xusta para As Pontes que “pasou de 1.400 MW a 0” e demandou impulso á reindustrialización da Galiza e construción civil para Navantia
Madrid, 29 de xaneiro de 2024. O portavoz do BNG no Congreso, Néstor Rego, dirixiuse ao Ministro de Industria na súa primeira comparecencia na cámara para lle reclamar máxima atención aos problemas da Galiza no ámbito industrial: Alcoa, o fechamento das centrais térmicas das Pontes e Meirama e unha transición xusta, o sector naval e a necesidade de impulsar a reindustrialización do noso país.
O deputado do BNG reprochou ao Ministro o fechamento das centrais térmicas das Pontes e Meirama sen alternativas económicas para poder absorber a actividade cesante e o emprego e, ademais,, en alusión sen posibilidade de Concurso de Transición Xusta sobre a base da capacidade de evacuación de 1400 MW das Pontes. “Tiñamos un Nó de Evacuación de 1400 MW e de súpeto 0. Que aconteceu? Argumentan que depende de REE, mais esta tamén depende do Estado”, denunciou. Puxo de manifesto a discriminación das Pontes en comparanza coa central de Andorra (Teruel) en que houbo un concurso de transición xusta que implicou garantir un investimento de 1200 M€ e a creación de máis de 2500 empregos.
En canto a Alcoa, Rego demandou ao Ministro que “estean vixiantes para que Alcoa cumpra estritamente o Acordo. Anunciaron que hoxe reinician as cubas. Alegrámonos, mais no BNG temos a preocupación permanente de que cumpra e por iso lle pedimos que estean atentos”. Outra cuestión que puxo enriba da mesa é a modificación do Estatuto do Consumidor Electrointensivo para o establecemento dunha categoría específica hiperelectrointensiva e levar ao máximo a compensación por CO2. Recalcou a importancia de Alcoa: “o aluminio é un sector estratéxico e, por tanto, se Alcoa fechar adependencia de terceiros países do conxunto do Estado sería total”.
Sector naval: apostar pola construción civil en Navantia
O deputado do BNG destacou outro dos sectores de peso, o naval, subliñando a perda da actividade en Vulcano, que aposta por recuperar. En canto a Navantia-Ferrol, saudou o anuncio de Sánchez dun buque de aprovisionamento mais enfatizou que “Navantia non pode depender do ritmo electoral, precisa dun Plan para dotala de carga de traballo que non fique na construción militar, ten que haber construción civil e iso implica investimentos”.
Galiza padece unha crise cronificada na industria: “En 15 anos do PP na Xunta, foron destruídos 45.000 empregos”
Rego sinalou a preocupación do BNG pola “crise cronificada que padece a Galiza no ámbito industrial sen que as Administracións competentes poña solucións”. Cargou as tintas contra a Xunta do PP porque “ten a competencia en Industria e non a exerce. Fixo deixación das súas funcións” e lembrou que en 15 anos de gobernos do Partido Popular de Feixoo e Rueda desapareceron 45.000 empregos na industria, entre elas Isowat, Poligal, Aluibérica, Vulcano, Siemens-Gamesa, Vestas, Endesa nas Pontes e Meirama, entre outras moitas.
O Ministro escudouse nas competencias da Galiza en Industria, mais Rego lembroulle que “é o Estado español quen ten competencias na regulación do sector eléctrico ou nos PERTE´s” e respondeu que os 216 millóns que Jordi Hereu salientou como recibidos na Galiza dos PERTE’s do Naval, Automición e Agro-alimentario, “son insuficientes e é pouco para o noso País no conxunto dos Fondos de Recuperación e Resiliencia”, ademais de que algúns deles non se adaptaron á realidade deses sectores no noso País.
Néstor Rego concluíu que “é posíbel frear a crise industrial da Galiza e pular pola reindustrialización se hai unha actuación firme do Goberno español e outro Goberno na Xunta, encabezado polo BNG”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
