O BNG de Ribadeo quere mostrar o seu recoñecemento e gratitude ás 1562 persoas que depositaron a súa confianza na candidatura do BNG para as eleccións galegas celebradaso pasado domingo 18 de febreiro. “Os nosos resultados foron moi bos; non por iso deixamos de recoñecer que queriamos un cambio de rumbo para Galiza. Pero o resultado, con ser insuficiente, mostra ben ás claras o recoñecemento por parte da cidadanía galega á nosa capacidade de ilusionar e deseñar alternativas para un país mellor”.
“Conseguimos case un 30% de sufraxios a nivel local, en consonancia co resto do país. Cremos que o noso labor como principal partido da oposición ao goberno municipal viuse recoñecido nestas eleccións co apoio recibido. A través dos mitins feitos nas parroquias, e a través tamén dos contactos sectoriais feitos en todo o concello, puidemos unha vez máis contactar coa veciñanza e atender as súas demandas e inquedanzas, que non son poucas”.
“Seguimos escoitando valoracións encontradas á hora de cualificar a xestión do actual goberno municipal: a sensación de gasto desmedido vaise estendendo entre a veciñanza, por non falar das promesas incumpridas e da desatención de servizos básicos. E a xente está a preguntarse por que o goberno da Xunta segue sen cumprir coa promesa que o PP de Ribadeo fixo sobre os 700.000€ para a reforma integral do Hospital Asilo. Vaise contentar o alcalde de Ribadeo con felicitar o señor Rueda, ou vaille lembrar que ten que responder ante a cidadanía ribadense cumprindo a súa promesa dos 700.000€ para o Hospital Asilo?”.
“Ribadeo, e toda a comarca da Mariña, van ter unha presenza clara e firme da man do deputado Daniel Castro. A defensa da sanidade, dos nosos sectores produtivos, os nosos sinais de identidade, e a necesaria aposta pola Mariña en materia de infraestruturas van estar acotío no Parlamento de Galicia da man do ribadense elixido nas listas do BNG”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
