Foz, 7 de febreiro de 2024. O Concello de Foz está mellorando viais en Trasmonte (Santa Cilla) e o alcalde, Fran Cajoto, que é responsable de obras, de conservación de camiños e do seu desbroce, manifesta que ao Concello “preocúpalle fondamente o estado dos viais nas parroquias, especialmente en zonas de moita presión forestal. É por iso que a Policía Local está a facer un traballo de control intenso en zonas de acceso a infraestruturas clave como o depósito de Cordido ou viais principais a barrios como Sobrado en San Acisclo”.
O rexedor municipal explica que “os viais de acceso ás vivendas só se poden cortar ao tráfico con autorización da Policía Local e do Concello e deben conservarse en boas condicións. Estamos intensificando o control polas queixas que nos chegan dos veciños, especialmente en zonas que teñen agora mesmo unha gran actividade forestal, como son San Acisclo e Santa Cilla, onde están a ser talados os montes queimados en outubro do pasado ano. Foz, con 100 quilómetros cadrados, foi o primeiro concello da Mariña e o quinto de Galicia en permisos de corta no ano 2023, o que dá conta da puxanza da actividade, que debe ser especialmente coidadosa en zonas poboadas. Estamos ademais a investir uns recursos moi importantes na conservación de camiños en zonas forestais, como os máis de 80.000 euros en asfaltados no barrio de Trasmonte, en Santa Cilla, que están a piques de rematar”.
Polo espazo radiofónico, de 12 a 14 horas, Félix Jorquera falou coa directora do IES de Foz, Leticia Maseda; co coordinador do evento, José Ríos; con Patricia Díaz, que é alumna de 2º de Servizos de Ciclo Medio e concursante no XIII Campionato de Catas de Café; e con Alejandro Rodríguez e Luis López, responsables do tostadeiro Coffee Urban. O XVIII Campionato Internacional de Baristas e o XIII Campionato Internacional de Catas de Café seguen no IES de Foz ata o venres.
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
