Mondoñedo-Ferrol, 7 de febreiro de 2024. Diante das novas publicadas en relación coa moción presentada ante o pleno do Concello de Lourenzá respecto da inmatriculación do mosteiro de San Salvador de Lourenzá, o Bispado de Mondoñedo-Ferrol quere manifestar:
1º) Que sobre o que foi o antigo mosteiro de San Salvador coexisten dúas titularidades: a que corresponde ao concello e a que foi adquirida por este bispado en 1943 por compravenda á Orde Benedictina, sen que en ningún momento se teña dado problema algún de delimitación da parte que a cada institución corresponde nin respecto dos usos que pola diocese se lle foi dando en cada momento.
Esa titularidade do bispado, como é notorio, nunca foi impedimento para o uso público do mosteiro, no marco da vontade desta institución de colaborar coas administracións públicas en beneficio da sociedade. En particular, desde o ano 1993 o Centro Municipal de Servizos Sociais está ubicado no Torreón do Mosteiro, en virtude dun convenio asinado entre concello e bispado, sucesivamente renovado ata o día de hoxe.
Igualmente, o concello ten cedidas na actualidade as dependencias en torno ao claustro principal do mosteiro e o chamado Campo dos Bolos, para usos socioculturais. Estas cesións son mostra inequívoca do compromiso do bispado co concello e a veciñanza, e da súa convicción de que o futuro do mosteiro, unha vez rehabilitado, pasa polo uso compartido deste inmoble tan senlleiro tanto para esta diocese como para a vila de Lourenzá.
2º) Que para este bispado a rehabilitación do mosteiro é un obxectivo prioritario, para o que leva anos facendo xestións, sempre en permanente contacto co Concello de Lourenzá e coa Xunta de Galicia, e atopando pola súa banda o máximo interese e a mellor disposición.
A tal fin, e de acordo con ambas administracións, o bispado ven de solicitar unha subvención dentro do Programa «2% Cultural» do Goberno de España, presentando un proxecto de rehabilitación das cubertas e das zonas actualmente cedidas ao concello, cun orzamento de 4.286.798 euros, dos que se piden ao ministerio 3.000.000 euros. Dita convocatoria esixe nas súas bases que os inmobles que se presenten estean inscritos no Rexistro da Propiedade, razón pola cal o bispado iniciou os trámites a tal efecto. A obtención da subvención implica o compromiso do bispado de que os espazos nos que se actúa se manterán cun uso público polo menos durante cincuenta anos.
3º) Que nos causa sorpresa e profunda tristura que, precisamente neste momento en que hai a posibilidade de que se poida afrontar a tan agardada rehabilitación do mosteiro, se xere unha polémica artificial e interesada, que mesmo pode prexudicar a consecución das axudas que a farían posible. Agardamos que estas explicacións contribúan a que un proxecto que tan beneficioso sería para todos siga concitando a unidade de todas as administracións e da cidadanía.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
