A Xunta de Goberno deste venres aprobou sacar a contratación o acondicionamento nos 3 primeiros quilómetros da LU-P-1503, coa reapertura de cunetas, o ensanche en varios tramos, a regularización do firme, o aglomerado en quente e a sinalización
Lugo, 22 de marzo de 2024. A Xunta de Goberno da Deputación de Lugo aprobou este venres a licitación por preto de 500.000€ de obras de mellora na estrada LU-P-1503, que é a vía que vai de Castelo a Trasbar, no concello de Cervo. Unha nova actuación, coa que “seguimos mellorando a rede de estradas provincias, neste caso, na Mariña”, subliñou a Voceira socialista do Goberno, Pilar García Porto.
Os traballos teñen un prazo de execución de 9 meses e afectarán a case 3 quilómetros, desde o inicio da estrada ata o punto quilométrico 2,6. Consistirán na reapertura das cunetas, eliminando a vexetación e os aterramentos; e no ensanche en varios tramos da calzada ata chegar a acadar nalgún punto os 5,75 metros, o que permitirá garantir unha maior seguridade para o paso de dous vehículos.
Para lograr eses anchos de vía, realizaranse traballos de drenaxe nos que será necesario entubar as cunetas ou revestilas sobre as xa existentes. Posteriormente, botarase sobre a calzada unha base de zahorra para regularizar o firme e logo, aglomerado en quente. A obra rematará coa sinalización e pintado mediante marcas viais reflexivas brancas.
A Voceira socialista do Goberno provincial subliñou que se trata dunha actuación “moi importante e demandada pola veciñanza porque esta vía enlaza coa estrada provincial LU-P-1502, que comunica co concello de Burela e o Hospital da Mariña”. Ademais, concretou que coas melloras nesta estrada “damos un servizo máis seguro e cómodo para os veciños e veciñas de Trasbar e de Castelo, pero tamén doutras parroquias da zona, xa que esta vía comunica cos campos de fútbol da Granda, en Rúa; e o da Chá, en Vilaestrofe; así como co Miradoiro de Monte Castelo, un dos atractivos turísticos da comarca da Mariña”, concluíu Pilar García Porto.
Apertura do prazo de axudas para asociacións
Na sesión desta mañá tamén se aprobou o último trámite administrativo para o pago dunha subvención por 6.000€ á Asociación Veciñal e Cultural Ruta do Ferro, no concello do Incio. A entidade resultou beneficiaria do Programa da Deputación para a Dotación e Mellora de Servizos Comunitarios, e destinou os fondos á mellora e adecuación da pista do Monte Veciñal.
Con respecto a esta liña de axudas, anunciou Pilar García Porto a publicación no día de hoxe das bases no Boletín Oficial da Provicnia (BOP) para a convocatoria deste ano 2024. Polo tanto, a partir de mañá dábado, os interesados xa poden solicitar as axudas deste programa da institución que ten unha dotación económica de 300.000€, e que está dirixida ás entidades asociativas dos 67 concellos da provincia.
Poden solicitalas entidades asociativas, tales como asociacións e agrupacións de veciños e veciñas, comunidades de usuarios e usuarias de augas, comunidades de montes ou asociacións de gandeiros, agricultores ou produtores forestais da provincia, para realizar investimentos en inmobles ou para equipamentos que sirvan para mellorar a calidade de vida da veciñanza, e para fomentar e dinamizar o asociacionismo veciñal.
Venda dunha parcela no polígono de Baleira
A Xunta de Goberno deste venres aprobou a venda dunha nova parcela no polígono industrial A Rasela, situado em Baleira. Trátase dunha adxudicación directa da parcela número 8 á empresa OVAPISCIS S.A, por un importe total de 21.464€. Con esta nova venda, sinalou a Voceira socialista, “contribuímos a xerar maiores beneficios e oportunidades no municipio”.
Tras esta adxudicación, a día de hoxe a Deputación ten dispoñibles neste polígono 11 parcelas cunha superficie media de 1.000 metros cadrados, a un prezo que oscila entre os 18 e os 21 euros o metro cadrado.
Servizos e subministros por 1M€
Na reunión do Goberno celebrada hoxe saíu adiante a licitación de tres contratos para a prestación de diversos servizos e suministros da Deputación por un importe conxunto que ascende a máis dun millón de euros.
Por un lado, aprobouse o contrato para a prestación do servizo de mantenemento das instalacións térmicas, o control e prevención de lexionelosis e a desinfección nos 9 Centros de Atención de Maiores que a institución ten en funcionamento: en Trabada, Meira, Pol Castroverde, A Fonsagrada, Pedrafita do Cebreiro, Navia de Suarna, Ribas de Sil e Ribadeo. O orzamento é de 139.700€ e o contrato terá unha duración de 15 meses.
Por outra banda, saíu adiante a licitación do contrato de mantenemento e desenvolvemento de novas ferramentas dixitais e actualizacións para o bo funcionamento da administración electrónica da Deputación, por un importe de 102.000€ e cunha duración de dous anos.
Acordouse tamén sacar a contratación as pólizas de seguros, en catro lotes: para danos en bens mobles e inmobles; a frota de vehículos e maquinaria; de vida e accidentes do persoal da institución; e para o gando vacún da Granxa Gaioso Castro. Neste caso, o orzamento base de licitación ascende a 939.146,30€ e a duración do contrato é de dous anos.
Así mesmo, en materia de contratos, quedaron adxudicados por case 33.000€ á empresa Agrícola Eustaquio, S.L os traballos de ensilado de herba para o gando da Granxa Gaioso Castro, por un período dun ano coa posibilidade de prorrogar por outro.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
