Un Pescados Rubén Burela FS superior lévase o encontro ante un Ibiza que non deixou de pelexar ata o minuto 40
Burela, 30 de marzo, 2024. O conxunto masculino do Pescados Rubén Burela FS disputou o encontro da xornada 25, esta tarde ás 18.45h no pavillón municipal Vista Alegre de Burela ante o UD Ibiza Gasifred Ciutat D’Eivissa FS. Coa volta a pista de Pitero e Rikelme na casa, o conxunto mariñán logra 3 puntos nun pavillón con ao redor de 900 espectadores, presidido polo Vicepresidente da RFGF, Pablo Prieto. O conxunto balear, ascendido esta tempada, chega a Burela cunha segunda volta complicada pero na que está demostrando un espírito moi loitador, gañando o último partido na casa ante o Bisontes Castellón e rozando o empate ante o segundo clasificado, o Sala 10 Zaragoza, na anterior. Tamén fixo fronte ao Atlétic Barça e ao Full Enerxía en Zaragoza. Un equipo que podía sorprender e que o deu todo, xerando numerosas ocasións ante un rival superior que non se deixou levar e no que o reforzo de Rikelme e Pitero se comeza a notar de forma sobresaíente.
Comeza o encontro cos dous “protagonistas” de hoxe formando parte do quinteto inicial, tras a primeira rotación, que será completa, na que saen a pista Lucho, Quelle, Alberto e Ismael, chega o 1-0 cun gol de Quelle ao segundo pau. Presiona o Eivissa durante uns minutos con varias situacións perigosas como un lanzamento de falta indirecta por unha misteriosa cesión na área local sen conseguir o empate. O equipo local non se conforma e pronto recupera as rendas do encontro. Un remate de Lucho no minuto 10 a pase de Ismael que se vai fóra ben puido ser o segundo tanto da tarde. No minuto 18 Rikelme volve tentalo cun disparo frontal desde fóra da área que detén Ferreyra e outra de Quelle que chega nunha contra xunto a Isma pero de novo Ferreyra fai unha gran intervención. A 33 segundos do descanso Jose Fernández solicita tempo morto para unha última xogada que será un saque de esquina que non logran aproveitar.
No segundo tempo o Burela sae con forza e no minuto 25 Charly consegue o segundo nunha xogada individual tras un elegante caneo ao porteiro rival e un minuto despois o xogador andaluz volve facer nunha contra conseguindo o 3-0 para o conxunto laranxa. Os baleares non se renden e no 27 chega o 3-1 cun gol de Buitre ao segundo pau. No minuto 31 Rikelme dispara ao pau levantando a todos os asistentes da bombonera e un minuto despois conségueo cun golazo de vaselina a pase de Pitero. Ataca o conxunto visitante con Ixemad de porteiro-xogador e chega o quinto a portería baleira nun disparo larguísimo de Alberto. Continúa a presión con xogo de 5 e o Ibiza Gasifred consegue o segundo cun remate de Charly. O encontro remata con +3 para o conxunto laranxa que unha vez máis demostra a súa fortaleza e actitude nun Vista Alegre, como cada sábado, moi animado.
Ficha Técnica Pescados Rubén Burela FS 5-2 UD Ibiza Gasifred Ciutat D’Eivissa FS
Pescados Rubén Burela FS (5): Kaluza; Pitero, Rikelme, Isma, Charly -quinteto inicial-, Lucho (C), Quelle, Alberto, Ismael, Á. García, Malaguti, Flethes.
UD Ibiza Gasifred Ciutat D’Eivissa FS (2): Ferreyra; S. Marrupe, Vicent Valdés, Charly, Buitre -quinteto inicial-, Gastaldi, Ixemad, Jason, Iker FV, C.Rodríguez, Bernardino, Oussama.
Goles: 1-0, min. 3: Quelle. 2-0, min.24: Charly. 3-0, min.25: Charly. 3-1, min.26: Buitre. 4-1, min.31: Rikelme. 5-1, min.33: Alberto. 5-2, min.37: Charly.
Árbitros: Rubén Miguel Velasco, Jesús Montero Galán, Daniel López López, Eva López Seijas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
