Para Mariña Gueimunde, esta situación “é consecuencia do que viñamos advertindo dende hai meses, é dicir, do pasotismo dunha alcaldesa que ten á cidade agonizando”
Viveiro, 1 de marzo de 2024. O Grupo Municipal do PP de Viveiro alerta de que o 100% da plantilla da Policía Local se acaba de poñer de baixa. Para a voceira desta formación, Mariña Gueimunde, esta situación “é consecuencia do que viñamos advertindo dende hai meses, é dicir, do pasotismo dunha alcaldesa que ten a Viveiro agonizando”.
“Isto é algo que non se pode tolerar”, polo que, subraia, “cómpre depurar responsabilidades e incluso que se produzan dimisións no equipo de goberno”, pois “estamos ás portas da Semana Santa -época na que a cidade se enche de visitantes- e non dispor de efectivos nin pola tarde, nin pola noite é un auténtico perigo”.
“ISTO NON TEN MÁIS PARA ONDE IR”
A totalidade da plantilla presentou a baixa por sofrir cadros de ansiedade e depresión por mor da situación que estan a pasar dende hai tempo, tal e como advertiron en reiteradas ocasións mentres o goberno local -PSOE+BNG- mirou para outro lado. “Non se tomaron medidas e así estamos”. E é que, segundo explica, a drástica situación deste servizo non se debe ás retribucións, nen á falta de axentes que suplen con profesionalidade e dedicación, senón a que “non se senten dignificados no seu traballo, nin apoiados polo goberno local nas súas queixas y reivindicacións ao respecto do clima tan tóxico que se está a respirar no corpo por mor das actuacións irracionais ás que se ven sometidos.O xefe do servizo tamén está de baixa. Estamos totalmente desamparados” remarca a voceira do PP.
Neste senso, pregúntase qu foi da promesa do BNG de restablecer a quenda polas noites. “Non só non temos efectivos polas noites, senón que, coa chegada do BNG, agora tampouco temos axentes polo día, e a pesares de todo isto pretende incrementarlles o traballo como vixiantes de rúas, estradas e agora de praias”, advirte.
“Temos un corpo de Policía Local rexuvenecido, apto, amable e próximo aos problemas dos cidadáns, e que na historia deste concello sempre xogou un papel importante na seguridade e no benestar dos e das viveirenses. E aínda que somos conscientes de que faltan efectivos, tamén debemos recordar que, no seu día, se desaproveitou a oportunidade de empregar a taxa de reposición para incrementar a plantilla, polo que agora están moi condicionados”, sinala Gueimunde.
“IRSE POLA PORTA GRANDE”
“O que non se pode consentir é que xurda calquera problema cidadá e que quedemos ao descuberto e totalmente desprotexidos como estamos nestes momentos pola mala xestión dun goberno bipartito mal avenido”. Por este motivo, a popular pide á alcaldesa, a máxima responsable do Concello e da Policía Local, que “se non sabe, que deixe facer”. “Sería un exercicio responsable dende o punto de vista político por parte da socialista dar un paso atrás e irse pola porta grande”, conclúe.
A cita é este sábado, 23 de agosto, ás 20 horas na Casa da Cultura que leva o seu nome. Haberá lecturas dramatizadas e as actuacións musicais de: Miro Casabella, Ugía Pedreira e Mano Panforreteiro.
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
Sufriu queimaduras e precisou asistencia sanitaria. No interior das instalacións hai herba seca acumulada, así como un vehículo agrícola, e nestes momentos os medios traballan para atallar as lapas. Foi un particular quen alertou ao 112 Galicia dos feitos, minutos antes das 13 horas deste luns: vía moito fume no lugar de Cordeiro, na parroquia de Álvare. De inmediato, os xestores do Centro Integrado de Atención ás Emerxencias solicitaron a acción de Urxencias Sanitarias de Galicia-061, dos Bombeiros de Vilalba, do GES da Pontenova e dos axentes da Garda Civil. Neste intre, os servizos de emerxencias confirmaron que só ardían estas instalacións e traballan para apagar o lume.
Os actos contaron coa participación do director xeral da Axencia de Turismo de Galicia, Xosé Manuel Merelles, que pasou polo Concello, onde asinou no libro de honra. O alcalde, Dani Vega, concelleiras e concelleiros así como representantes de institucións e colectivos sociais (Aduanas, Acisa, Real Club Náutico de Ribadeo, Xuíz de Paz suplente, xefe da Policía Local) participaron nesta xornada de celebración que continuará pola tarde e pola noite con diversas propostas musicais.
Houbo intervencións do crítico literario Ángel Basanta e dos escritores Francisco Álvarez Koki e Xosé Manuel Malheiro, que glosaron a súa traxectoria como ensinante e renovador pedagóxico desde o Seminario de Mondoñedo ata as universidades neoiorquinas onde fundou o programa cultura e educativo Solidaridad Humana para formar emigrantes. A homenaxe, que contou coa presenza da familia, completarase coa inauguración da rúa Dino Pacio Lindín, unha das vias laterais á Praza e a Casa do Concello, un recoñecemento impulsado pola comunidade de montes Coto das Louseiras de Xemil. A área de Cultura colaborou na edición, en 2021, do libro "Dino Pacio Lindín, o guía dunha vangarda cultural", coordinado por Manuel Rivas García, con textos de antigos alumnos e amizades do sociólogo pastoricense.
Posteriormente, tivo lugar o xantar anual habitual, propio da xornada asamblearia no restaurante Náutico de Ribadeo. Como xa é tradicional na asociación, "o noso propósito radica no fomento e práctica das xuntanzas gatronómicas polos locais de restauración da bisbarra entre os nosos asociados, favorecendo o consumo dos productos locais ou do país e a cociña tradicional na elaboración e degustación dos mesmos; así mesmo levar o bo nome do Valadouro por tódolos lugares polos que imos, como vimos facendo dende a nosa fundación, aló polo ano 1992".
Ducias de persoas gozaron das versións dos 70, dos 80 e dos 90 ofrecidas por este quinteto chegado de Boiro. E tamén iniciou a súa andaina a ruleta da sorte de Acisa. Moitos foron os afortunados que marcharon para a casa con camisetas, mochilas, bolsas, paraugas, tazas ou botellas. O vindeiro Xoves Aberto será o 21 de agosto. Esta nova campaña de Acisa Ribadeo inclúe Mercados de Rúa, actividades multiaventura e o sorteo dunhas vacacións a Gran Canaria, que terá lugar o 31 de agosto no Cantón dos Moreno a partir das 21:00 horas.
