O delegado territorial de Lugo, Javier Arias, explicou que se financian a través das axudas para o embelecemento do litoral e o introdución de medidas sustentables, dixitais ou inclusivas
O Vicedo, 8 de maio de 2024. A Xunta de Galicia inviste 204.000 euros en seis proxectos que desenvolve o Concello do Vicedo ao abeiro das dúas convocatorias realizadas nos últimos meses do programa de axudas para o embelecemento do litoral e o impulso do seu uso turístico.
O delegado territorial de Lugo, Javier Arias, comprobou hoxe o resultado das tres iniciativas xa rematadas, que melloraron as dotacións de centros municipais e espazos públicos.
Así, actuouse sobre a accesibilidade da praia de Xilloi, con sinalética en braille, pasarelas, eliminación de barreiras arquitectónicas, pitado de prazas de aparcamento para persoas con mobilidade reducida ou mesmo a dotación dunha cadeira “anfibia”.
Igualmente, instaláronse paneis interpretativos no sendeiro da costa co fin de difundir a biodiversidade dese espazo natural que comeza no porto e remata na praia de San Román, unindo diversos atractivos turísticos como pobos, especies vexetais e animais e paisaxes.
Tamén se incorporaron pantallas interactivas na Casa da Cultura, a Oficina de Turismo e o Concello, que ofrecen información turística e de servizo de maneira áxil e eficaz.
Ademais, o Concello vai instalar varandas de seguridade no recorrido completo do paseo marítimo das praias de Vidreiro e Caolín e do porto; tamén colocará paneis interpretativos en diferentes puntos dos sendeiro verdes, con información concreta sobre a zona, e un tótem interactivo no exterior da Casa Consistorial.
Sostibilidade
Javier Arias destacou que as intervencións fomentan o desenvolvemento turístico sostible e accesible e melloran a experiencia dos visitantes grazas ás ferramentas tecnolóxicas, en consonancia cos obxectivos desta liña de apoios de Turismo de Galicia.
Neste sentido, o delegado territorial lembrou que as achegas pretenden acondicionar os recursos e introducir medidas sustentables, dixitais, accesibles ou inclusivas, financiando propostas como a instalación ou reforma de casetas de información, postos de socorro e aseos, acondicionamento de sendeiros, creación de app turísticas ou instalación de elementos interactivos, entre outras.
No conxunto da Mariña, o investimento ascendeu a 758.000 euros para a execución de 24 proxectos, dos que 14 corresponden á última resolución publicada o pasado mes de abril.
Esta é unha das actuacións incluídas no Plan Territorial de Sostibilidade Turística do Litoral posto en marcha polo Goberno galego con fondos Next Generation, que conta cun orzamento global de 29,3M€. Enmárcase no Plan de Recuperación, Transformación e Resiliencia para aproveitar o financiamento europeo no camiño á transformación dixital e o incremento da competitividade dos destinos.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
