“Estas actuacións favorecen directamente a calidade de vida da xente, porque teñen que ver coa mobilidade e co besnestar”, sinalou o mandatario provincial, para quen a Deputación ten que actuar como o “Concello dos Concellos”
Lugo, 8 de maio de 2024. O Presidente da Deputación de Lugo, José Tomé Roca, vén de supervisar en Xermade diferentes obras nas que a institución provincial investiu máis de 1,5M€ co obxectivo de dotar de máis e mellores servizos á veciñanza do municipio. Concretamente, o mandatario provincial comprobou o resultado dos traballos de acondicionamento da estrada que conecta Momán e As Pontes, a LU-P-2204, renovada na súa totalidade e a creación dun parque con xogos infantís na parroquia de Roupar.
Destacou o Presidente que esta colaboración económica con Xermade é “unha mostra máis do compromiso que temos na Deputación de Lugo con este concello e cos seus veciños e veciñas. Sempre digo, a Deputación ten que ser o Concello dos Concellos, e actuar así é especialmente relevante cando falamos de concellos do rural, que teñen o mesmo dereito a ter servizos públicos de calidade”. Sinalou que “estas dúas actuacións favorecen directamente na calidade de vida da xente, porque teñen que ver coa mobilidade e co benestar”.
Xunto ao Alcalde, Roberto García Pernas, e os Deputados Pablo Rivera e Miguel Fernández, Tomé Roca supervisou o estado do firme da LU-P-2204, que conecta Xermade desde o núcleo de Momán coas Pontes de García Rodríguez, na provincia da Coruña. Unha vía que quedou renovada na súa totalidade logo de que a finais do ano pasado a Deputación actuase entre os puntos quilométricos 8,340 e 9,802 para a mellora da drenaxe, afirmado e pavimentación.
Os traballos nesta vía provincial sumáronse a outros que a institución provincial realizou recentemente nos tramos situados entre o quilómetro 7 e o 8,340 e os que se levaron a cabo desde o inicio da vía ata o quilómetro 7. Tres actuacións que contaron cun investimento conxunto de 1,47M€.
Tamén comprobou o Presidente os traballos realizados na parroquia de Roupar para a creación dun parque de xogos infantís diante da Casa Habanera. Unha actuación que se executou nunha parcela que adquiriu o Concello e que contou cun investimento de case 70.000€, dos cales a institución provincial achegou o 85% a través do Plan Deputación.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
