Ribadeo, 24 de maio de 2024. O alcalde, Dani Vega, asistiu esta mañá no centro Pedro Murias ao inicio das Xornadas Pasado, Presente e Futuro do Asesoramento, Homenaxe a Extensión Agraria, que organizou a Sociedade Galega de Pastos e Forraxes. O rexedor aludiu ao traballo feito polas oficinas de Extensión Agraria e á importancia que tiveron no crecemento do sector gandeiro.
Vega contou que “participamos no acto que se celebrou en Pedro Murias en homenaxe ás extensións agrarias. Hai que facer un recoñecemento a todo ese traballo, a todo ese asesoramento técnico que se fixo durante un período e séguese facendo. O gran impulso das extensións agrarias foi o crecemento dun sector, un sector gandeiro que estaba en período de profesionalización e agora temos que destacar que contamos cun sector con gran fortaleza, con unha presenza económica importante e que deixa un impacto económico no noso concello tamén relevante e, polo tanto, seguir apoiando a un sector, seguir colaborando tamén con as extensións agrarias”.
O alcalde tamén se referiu ao centro Pedro Murias: “Pedro Murias, que sigue con esa vocación clara da formación que vai unido á profesionalización. E, dende logo, desde o Concello de Ribadeo vamos seguir colaborando. Xa o dixemos fai uns poucos días que vamos a renovar ese padroado para que as dúas administracións, Xunta e Concello, sigan con esa vocación clara de formación e de estar permanentemente pegados á realidade dun sector que sigue crecendo e sigue con gran fortaleza. E, dende logo, nosoutros vamos seguir apoiando ao sector gandeiro desde un punto de vista lácteo, cárnico e a produción agrícola, con ese mercado dos domingos, tamén potenciando a educación e o acercamento de moitos alumnos aos produtos de proximidade que estamos desenvolvendo nestes momentos nos centros educativos. E con este traballo, con esta dedicación, eu creo que hai un sector con moita forza”.
E engadiu: “recoñecemento a todos os técnicos de extensión agraria que fixeron un papel fundamental, segueno facendo e queda moito traballo aí da por facer”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
