Os populares aclaran que “unha vez obtidos tódolos informes e corrixidas as deficiencias, a tramitación do PXOM variará dependendo de se os cambios desde a aprobación inicial supoñen ou non unha modificación substancial na ordenación do territorio”
Viveiro, 13 de maio de 2024. A portavoz do PP de Viveiro, Mariña Gueimunde, advirte que “o PXOM de Viveiro está moi lonxe de ser aprobado, a pesar de que a alcaldesa o prometa ano tras ano, eleccións tras eleccións”. Así o sinala atendendo aos trámites pendentes que recolle un informe dos servizos municipais sobre o seguimento do procedemento do PXOM de Viveiro.
A popular explicou que “vaia por diante o noso desexo de contar cun documento que asemella clave para o desenvolvemento do noso concello e que leva esperando dende o 2011”. Así, “ante a falta de explicacións da situación real do PXOM de Viveiro por parte do goberno municipal, no PP vémonos na obriga de trasladarllo á cidadanía”. Igualmente, engadiu que “moita presa non tiñan cando en decembro do 2023 se remitiron 5 informes ás diferentes administracións que non contaban aínda con informe favorable”.
Gueimunde revela que “faltan informes sectoriais”. E, máis concretamente, subliña que “están pendentes os informes de patrimonio natural e dos organismos dependentes do Goberno: ADIF solicitou correccións e o Ministerio de Asuntos Económicos e Transformación Dixital informou desfavorablemente ata en dúas ocasións neste ano en materia de telecomunicacións”.
A portavoz popular engadiu que deben notificarse individualmente aos titulares catastrais das 1.155 parcelas incorporadas en ámbitos de actuación e responder ás 524 alegacións presentadas. “Tendo en conta que cada parcela podería ter varios propietarios, a comunicación multiplicaríase exponencialmente igual que o traballo de comunicación”, explicou. Así mesmo, advertiu que “están pendentes de revisión e actualización os documentos de memoria e normativa urbanística” de forma que atendan ás modificacións que se produciron na lexislación.
Ao respecto, a portavoz popular explica que “10 dos informes favorables datan do 2011 polo que “é probable que se lles requira actualización despois de tantos anos” xa que “unha vez se conte co documento completo haberá que adaptalo á normativa actual, pois moitos deles teranse quedado obsoletos”.
E, unha vez obtidos tódolos informes sectoriais e corrixidas as deficiencias do documento, a tramitación do PXOM variará dependendo de se os cambios introducidos no documento desde a aprobación inicial supoñen ou non unha modificación substancial na ordenación do territorio.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
