O Grupo Provincial Popular preguntará no próximo pleno a Tomé por que non atende aos alcaldes do PP que levan anos solicitando manter reunións co presidente
Sábado, 22 de xuño de 2024. Os deputados do Grupo Provincial Popular reclaman unha vez máis ao goberno provincial “igualdade de trato” para tódolos Concellos da provincia tras ter coñecemento dun novo convenio aprobado por PSOE e BNG cun Concello gobernado por unha alcaldesa socialista. Nesta ocasión, o goberno provincial acordou dirixir 350.000 euros dos fondos da Deputación ao Concello de Viveiro para “tapar os buratos” da mala xestión do goberno local, “un agravio para o resto de concellos da provincia”.
O portavoz, Antonio Ameijide, sinala que “novamente, igual que fixeron a semana pasada co convenio para dirixir 300.000 euros a dedo a outro Concello gobernado polo PSOE, o de Meira; tamén o ocultaron na rolda de prensa posterior á xunta de goberno para intentar evitar que se enteren o resto de concellos”.
O popular censura que “Tomé só axude aos seus. Segue na liña do municipalismo de amiguetes: sacando a chequera para alcaldes do PSOE ou do BNG”. Isto supón non só “discriminar ao resto dos Concellos e, polo tanto, dos veciños e veciñas deses Concellos”; senón, “aínda por riba, premiar a mala xestión económica de alcaldes socialistas con cartos de tódolos lucenses”.
Os deputados populares explican que “a cooperación cos Concellos é unha das funcións propias da Deputación” e reclaman “o mesmo trato para todos os concellos e tódolos lucenses” fronte ao “sectarismo de PSOE e BNG”. A este respecto, lembran que o pasado ano 2023 o goberno provincial repartiu a dedo 15M€ con Concellos gobernados polo PSOE ou polo BNG a través de convenios aprobados nas xuntas de goberno.
E o sectarismo tamén se aprecia na atención aos alcaldes e alcaldesas. Polo tanto, o Grupo Provincial Popular preguntará no próximo pleno por que Tomé non atende aos alcaldes do PP que levan anos solicitando manter reunións co presidente.
PAGAR A MALA XESTIÓN DOS ALCALDES SOCIALISTAS
O voceiro provincial pon sobre a mesa outros exemplos de rescate a concellos gobernados por alcaldes do PSOE financiando “a neglixente xestión” dos alcaldes socialistas ao longo da provincia, recordando varios casos dos últimos meses como Pol, Guitiriz, Taboada, Antas de Ulla ou Meira, “curiosamente todos gobernados por rexedores socialistas”.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
