Viveiro, 28 de Xuño de 2024. Os pais colaboradores que viñeron xestionando a canteira do Viveiro CF as tempadas 22/23 e 23/24 comunicaron ao club e ao Concello que non van continuar. Asumiran o compromiso ante o Club e o Concello de facerse cargo de forma temporal mentres se buscaba unha solución para a unificación do futbol base, mais “non se albisca ningún avance nin posible arranxo na liña do falado hai dous anos”.
Por outra banda, tamén, aducen unha falta de sintonía co Presidente do Viveiro CF que, en repetidas ocasións, tanto de forma pública como en privado, manifestou un nulo interese en que o club conte con canteira, o que fai tremendamente complicado un traballo coordinado, eficiente e cuns obxectivos definidos e nítidos; ademais de provocar un gran desgaste en quen de forma desinteresada involucráronse nesta axuda e compromiso. Os pais colaboradores asumen que o lóxico é que o Presidente da entidade sexa quen marque as directrices deportivas do club, e ao non ver un encaixe da canteira nesa filosofía, cren que o máis conveniente é apartarse desa cooperación. En todo caso subliñan que grazas á axuda e apoio decidido de todos e cada un dos distintos patrocinadores que en maior ou menor medida se teñen implicado en que mozas de entre 15 e 19 anos puidesen practicar o deporte do fútbol nunhas condicións idóneas, os equipos da base do Viveiro CF non custaron nin un só euro ás arcas do club.
Os pais colaboradores lembran que na tempada 22/23 asumiron a xestión de forma temporal porque nese momento expúñase a ruptura do fútbol basee en Viveiro, o que levaba aparellada como consecuencia que os xuvenís e cadetes con ficha no Viveiro CF quedaban fóra de toda posibilidade de continuar competindo en División de Honra (cadetes) e Liga Galega (xuvenís). “Ambos os equipos estaban destinados á súa desaparición debido a que quedaran orfos da dirección deportiva que ata entón encargábase da canteira do Viveiro Cf., e grazas a este compromiso co Concello (que achegou un importante impulso económico), por primeira vez na centenaria historia do club, o Viveiro CF contaría cun equipo cadete na División de Honra do fútbol nacional, ademais de evitar a desaparición do de categoría Xuvenil que continuaría disputando a liga Galega”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
