Os senadores pedirán ao Goberno de Sánchez que explique aos veciños se ten reclamado ao goberno local unha solución efectiva á situación e aos membros da Policía Nacional se ten previsto incrementar o número de efectivos e de equipamento
Viveiro, 19 de xuño de 2024. Os senadores do Partido Popular -José Manuel Balseiro, José Manuel Barreiro e Juan Carlos Serrano- levarán á Cámara alta a situación de sobrecarga de traballo que sofren os axentes destinados na Comisaría da Policía Nacional de Viveiro. Os efectivos do Corpo Nacional vense obrigados a suplir as funcións da Policía Municipal que leva tempo inoperativa polas numerosas baixas dos seus efectivos.
O que prometía ser unha situación limitada no tempo prolóngase de modo indefinido sen que o goberno local sexa capaz de ofrecer unha solución. Os senadores do PP lucense diríxense ao Goberno de España para coñecer as accións adoptadas, o que ten previsto adoptar o Ministerio do Interior, e para saber se vai incrementar o número de policías e de equipamento desta Comisaría para facer fronte á “complicada” situación actual.
“Son xa preto de 4 meses sen efectivos da Policía Local no municipio de Viveiro por mor da falta de capacidade do goberno local por solucionar o problema e a escasa prioridade que o goberno provincial lle deu á alcaldesa para nomear un instrutor en relación ás baixas de todo o cadro de persoal desde o pasado mes de marzo”, subliña a portavoz municipal do PP, Mariña Gueimunde.
Esta problemática tradúcese en múltiples inconvenientes na prestación dos servizos que teñen encomendadas estes efectivos: control do tráfico urbano e actividades públicas, seguridade cidadá, instrución de atestados, custodia de edificios municipais, auxilio e protección das persoas e bens…
Gran parte dese traballo estase suplindo “grazas á colaboración, disposición e boa vontade das forzas de seguridade do Estado”; pero a elevada carga de traballo está derivando tamén en inconvenientes e trastornos na actividade habitual do corpo de Policía Nacional.
Os senadores do Partido Popular pola provincia consideran que “é necesario que dende o Ministerio se requira ao Concello unha solución que evite a sobrecarga de traballo, garanta mellores condicións que eviten que siga deteriorándose o clima laboral desta Comisaría e, no seu caso, insisten en requirir un reforzo de persoal e equipamento”.
Tamén queren que o Goberno de España explique aos veciños se se ten dirixido ao goberno local para reclamar que adopten unha solución efectiva coa que se evite que sexa a Policía Nacional a que teña que suplir o traballo que deixa de facer a Policía Municipal.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
