Barreiros, 19 de xuño de 2024. A alcaldesa de Barreiros pediulle seriedade ao portavoz do Partido Popular e que deixe de mentir deliberadamente -unha vez máis-, a raíz das absurdas manifestacións realizadas sobre os desbroces. Ana Ermida sinalou que “a estas alturas xa se realizaron labores de desbroce en todas as parroquias e as afirmacións da oposición só poden deberse a unha desvergoña absoluta que non lles impide mentir na cara da veciñanza ou a un descoñecemento total do concello, como consecuencia de nin sequera vivir nel e vir a Barreiros só a gañar cartos”.
Ana Ermida lembroulle a Gómez Puente que “hai xusto agora cinco anos, cando collemos o goberno por primeira vez, a situación dos desbroces era ben diferente: non empezara o persoal contratado, non se limparan os camiños nin os paseos marítimos e o persoal municipal carecía de ferramentas de traballo”. “Só realizara el mesmo unhas ridículas segas en pleno centro de San Cosme, nos xardíns das vivendas sociais, dunha herba que superaba o metro de altura”, engadiu.
Neste sentido, Ermida lembrou que a situación era tan caótica, sen organización, persoal, nin ferramentas que houbo que acudir ao voluntariado para dar adecentado un mínimo o concello; ao que a veciñanza respondeu magnificamente para mellorar a imaxe que deixara o goberno de Gómez Puente.
A rexedora lembrou ademais que o primeiro convenio que houbo que asinar foi coa área de Medio Rural da Deputación para comprar un tractor desbrozadora (para traballar nos xardíns e áreas públicas que estaban cheas de silvas e maleza e nas que non se podía pensar en meter un cortacéspede) e desbrozadoras de man, porque as que había eran vellas ou rotas, xa que non se levaba control ningún sobre as mesmas, nin en mantemento nin en existencias.
A situación do Concello de Barreiros desde hai cinco anos, mellorou notablemente tanto en organización e planificación como en material; investíndose máis de 200.000€ en maquinaria para o adecentamento de zonas verdes, como desbrozadoras, cortacéspedes, podadoras, sopladores ou tractores -tanto de xardín como de vías-.
Ademais, desde o goberno municipal, en colaboración co persoal municipal, planifícanse os traballos en función das necesidades e dos medios existentes e a veciñanza sabe que os desbroces se realizan dun xeito ordenado e non en función de intereses persoais. “Ademais, todo o mundo sabe -salvo o portavoz da oposición- que o crecemento da herba en determinadas épocas do ano, como a primavera, e en función do tempo, se produce ao mesmo tempo e o control da mesma, por moi cedo que se actúe, é ineficaz”, asegura a alcaldesa. “Sacar unha nota de prensa con este contido a estas alturas do ano é absolutamente ridículo”, afirma, “E máis cando neste concello baixo o goberno de Gómez Puente como responsable de medioambiente, ten chegado agosto sen tocarlle a camiños de varias parroquias, entre elas, San Cosme”.
Ermida lembra que agora mesmo hai traballando en Barreiros tres tractores -dous municipais e un contratado externo- que están desenvolvendo as labores necesarias para a veciñanza e que todo o mundo amosa comprensión, salvo a oposición destrutiva que só lle importa mostrarse agresiva, en lugar de facer autocrítica da súa recente xestión; que deixou un Concello que houbo que adecentar en todos os sentidos”, conclúe.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
