O titular autonómico reclama á Comisión Europea os recursos financieiros necesarios para incentivar esta revolución tecnolóxica e impulsar as modificacións necesarias nunha frota que só en Galicia, a máis relevante da UE, está composta por 4.200 buques
Vigo, 27 de xuño de 2024. O conselleiro do Mar, Alfonso Villares, avoga porque a descarbonización da frota se faga de forma gradual, realista e asumible polo sector de acorde coas súas posibilidades, baixo os criterios de respecto ao medio ambiente e de competitividade. Así o expuxo no marco da xornada sobre o proceso de abordaxe da remisión de emisións de carbono, organizada pola Consellería con motivo do Día Marítimo Europeo, e que se desenvolveu este xoves a bordo do Hidria II, situado en Vigo. Alfonso Villares estivo acompañado polo director xeral de Pesca, Acuicultura e Innovación Tecnolóxica, Antonio Basanta.
Galicia únese así a esta iniciativa que se celebra en todas as concas marítimas da Unión Europea e na que os temas principais son as transición enerxética e a economía azul, no marco do Pacto Verde Europeo. Tal é así que a Consellería do Mar ven colaborando coa Universidade da Coruña, a Fundación Marlnnleg, o Clúster Naval de Galicia e a Bretaña francesa, para abordar este asunto cunha programación de futuro, de forma que as propostas serán enviadas a Bruxelas para garantir unha descarbonización da frota gradual, equilibrada e viable.
Galicia, líder en Europa
Precisamente, a nosa comunidade por ser líder en Europa en pesca e cultivos mariños, tamén será a zona de toda a UE que maiores recursos económicos necesite para realizar este tránsito. É por iso que dende a Xunta de Galicia se ven reclamando á Comisión Europea os recursos financieiros necesarios para incentivar esta revolución tecnolóxica e impulsar as modificacións necesarias nunha frota que só en Galicia, a máis relevante da UE, está composta por 4.200 buques.
Por iso, combater o cambio climático e reducir as emisións de dióxido de carbono á atmosfera en 2030 e eliminalas en 2050 é un obxectivo común da UE, da ONU e da comunidade autónoma. Aínda que a actividade da flota pesqueira só xera entre o 0,1% e 0,5% dos gases de efecto invernadoiro procedentes de combustibles fósiles, o sector quere contribuír á consecución deste obxectivo. Para cumprir este cometido, necesita acometer a renovación da frota e, para este proceso, precisa opcións tecnolóxicas alternativas ás tradicionais.
E neste compromiso, a Autoridade Portuaria de Vigo, segundo destacou o conselleiro, está liderando esta transición co deseño dunha ferramenta de análise para aumentar a capacidade de pesca con novos combustibles, a construción dunha embarcación eléctrica de pequeno tamaño ou a actualización do Sistema Educativo Europeo vinculado á náutica e a pesca con novas tecnoloxías.
A economía azul, unha oportunidade para Galicia
Os sectores tradicionais da economía azul galega xeran en Europa un volume de negocio de máis de 650.000 millóns de euros e uns 4,5 millóns de empregos. Este modelo económico é, por tanto, unha gran oportunidade para Galicia. É a folla de ruta a seguir para impulsar aqueles avances tecnolóxicos nos sectores que viven do mar e que contribúen ao proceso de descarbonización do sector mar-industria; un conxunto de actuacións que propiciarán un salto económico da man dunha transición xusta e sostible para o sector mar-industria, dirixidas a alcanzar a neutralidade climática, a descarbonización do transporte marítimo e da actividade pesqueira e marisqueira, e a consecución de portos máis ecolóxicos. En definitiva, un traballo realizado no marco do Pacto Verde Europeo, para impulsar a transición cara unha economía sostible e libre de carbono.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
