O voceiro popular sinala que xa rematou o proceso de selección para unha praza de técnico de comunicación audiovisual para a Deputación de Lugo correspondendo as dúas mellores notas a dúas traballadoras do gabinete de José Tomé na Deputación de Lugo: “o tempo tardou pouco en darnos a razón”
Lugo, 4 de xullo de 2024. “Confírmase que o PSOE e BNG están a tecer unha rede de funcionarios afíns nas distintas administracións que gobernan para tentar manterse no poder”, así de contundente se amosaba o voceiro provincial popular, Antonio Ameijide, tras coñecer a finalización de varios procesos selectivos en varias administracións controladas por socialistas.
Ameijide recorda que “é algo que xa advertimos nas últimas semanas” e “á vista das resolucións definitivas non nos equivocamos”.
Na Deputación de Lugo vén de concluír o proceso de selección para unha praza de técnico de comunicación audiovisual do ente provincial “sendo as dúas mellores notas para dous traballadores eventuais do gabinete de José Tomé”.
“Todo o que dixemos nas últimas semanas sobre este, e outros procesos selectivos, está a cumprirse”, sinalou, o que confirma que “PSOE e BNG están tecendo unha rede de funcionarios afíns en diferentes administracións para tentar perpetuarse na presidencia provincial e naquelas administracións que dirixen”.
Para o voceiro popular segue resultando “curioso” que as mellores notas nos últimos procesos selectivos de persoal realizados pola Deputación e por algún concello gobernado polo PSOE “son de persoal propio do gabinete da presidencia da Deputación”.
“Non dubidamos da capacidade e da calidade académica de ningún dos aspirantes pero si que é, cando menos curioso, ver como nestes procesos selectivos organizados polo PSOE é o seu persoal o que acada a mellor puntuación”, denunciou.
Non se trata do único caso denunciado xa que, a inicios de ano, o anterior xefe de gabinete de Tomé (renunciou ao posto en xuño) era un dos únicos tres admitidos no proceso selectivo de persoal interino para o desempeño de posto de secretaría-intervención no Concello de Antas de Ulla, no que é alcaldesa Pilar García Porto.
“E o resultado é que, unha vez rematado o proceso de selección, el é a persoa que está a ocupar ese posto e a desempeñar esas funcións dende o pasado mes”, explicou, tras un proceso selectivo no que outra das aspirantes admitidas xa traballara con anterioridade, e durante varios anos, como secretaria accidental no Concello de Monforte de Lemos con José Tomé como alcalde.
ABUSO DAS ATF
Dende o Grupo Provincial Popular tamén fan referencia “ao abuso” que fai José Tomé das ATP (atribución temporal de funcións), incluso con funcionarios interinos “para así poder dirixir con persoal afín aqueles departamentos que máis lles interesan, incluso con persoal que non é funcionario de carreira”.
Esta situación non serve unicamente para colocar “aos seus afíns” en postos chave das administracións “senón que tamén serven para darlles incrementos notorios nas súas retribucións”.
Neste senso, hai un exemplo que sobresae sobre os demais: a decisión de nomear a Sonia Méndez, ex tenente de alcalde do PSOE no Concello de Lugo, xefa do servizo de contratación por diante doutros funcionarios de carreira e con moitos máis anos de experiencia. “A decisión de colocala á fronte dese servizo foi unha declaración de intencións do que estaba por vir”, sentenciou, unha decisión encamiñada a “controlar” todas as contratacións da Deputación de Lugo.
Ante esta situación, os deputados do Grupo Provincial Popular realizan unha reflexión e afirman que “chegar a este punto non nos estraña xa que José Tomé, o PSOE e o BNG están a seguir a folla de ruta marcada hai anos por outro expresidente socialista, José Ramón Gómez Besteiro”.
“Non podemos afirmar que copiaron os apuntes, pero si que os están a seguir con detalle”, sentenciaron.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
