O PP no pasado pleno, ante a falta de solucións aos usuarios, xa lle solicitou ao BNG que deixara o asunto enriba da mesa
Foz, 11 de xullo de 2024. O Partido Popular de Foz pídelle ao BNG que actúe ante a falta de transparencia de Cajoto respecto á Residencia de Maiores. “Facemos isto xa que os nacionalistas forman parte do goberno local e o señor alcalde está a actual cunha total sen razón, tomando decisións de forma unilateral sobre asunto. Non informa á Corporación nin informa aos afectados, que se teñen que enterar pola prensa que lles van a subir as tarifas dun xeito totalmente desproporcionado, e tampouco se lles ten en conta á hora de aportar solucións. Polo tanto, solicitamos ao BNG que pare esta forma de actuar dos seus socios”, sinala o voceiro popular, Javier Castiñeira.
O PP no pasado pleno, ante a falta de solucións aos usuarios, xa lle solicitou ao BNG que deixara o asunto enriba da mesa. “No pleno que se vai a celebrar o vindeiro luns imos a facer o mesmo e esperamos que desta volta forcen a Cajoto a negociar cos usuarios”, anuncia Javier Castiñeira.
“Non é normal que Cajoto en cuestión de minutos consiga un informe favorable á nova empresa por parte dun equipo xurídico externo, unha declaración favorable da mesa da contratación e que convoque o pleno en medio das Festas do Carme para o luns día 15, víspera do día grande, ás 14.30 horas, buscando que non vaia ninguén”, critica o voceiro do PP de Foz.
Polo tanto, desde o Grupo Municipal do PP de Foz “entendemos que isto é unha falta de transparencia absoluta e, neste caso, quen o pode evitar un é o Partido Popular ,que vai a poñer todos os seus esforzos para tratar de impedir este atropelo, e outro é o BNG, socio do goberno, que ten unha nova oportunidade para dicirlle ao alcalde que as cousas non se fan así, que as cousas se deben facer falando e negociando, contando coas solucións antes de que se contrate á nova empresa porque despois probablemente haxa persoas que non poidan facer uso da Residencia de Maiores por non ter unha situación económica que poda pagar ese servizo de acordo aos incrementos que propón o señor alcalde”, finaliza Javier Castiñeira.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
