A campaña enmárcase dentro da denuncia que o SLG-CCLL leva meses realizando arredor da industrialización da Tenreira Suprema dentro da IXP Ternera Gallega
Compostela, 4 de xullo de 2024. O pasado mes de novembro, todos os vocais da IXP Ternera Gallega, con excepción do representante do Sindicato Labrego Galego-Comisións Labregas, a cargo do gandeiro da Limia Samuel Formoso, aprobaron a modificación do prego de condicións para a produción da carne de Tenreira Suprema onde se obriga a acortellar a todos os tenreiros antes da súa saída para os matadoiros. Esta modificación a ollos do SLG-CCLL supón unha industrialización da mesma, xa que se trata de igualar a produción da Tenreira Suprema (xatos criados coas súas nais e en moitos casos ao aire libre) coa tenreira normal (xatos criados en cebadoiros industriais).
Como continuación das reivindicacións que levamos realizando dende aquela, o vindeiro martes 9 de xullo, o Sindicato Labrego Galego-Comisións Labregas (SLG-CCLL) iniciará a campaña “Polo futuro da Tenreira Suprema e da Gandaría en Extensivo” cunha xornada divulgativa para as consumidoras, na praza de Abastos de Santiago de Compostela.
O evento comezará ás 12h:00h e contará coa intervención de persoas produtoras que afondarán no seu modelo de manexo, así como as vantaxes do seu modelo de produción en extensivo e incidirán en como lles vai prexudicar este cambio, xa que esta campaña pretende poñer o foco, tamén, nas dificultades que van atopar as granxas máis sostibles a nivel medio ambiental a raíz destes cambios. Por outra banda, repartirase un folleto informativo ás consumidoras dándolle a coñecer os cambios que se están a formular e amosarlles os distintos modos de produción que existen. A xornada finalizará ás 14:00h cunha degustación de tenreira galega criada en base a pasto.
“Moitas das granxas que actualmente marcan dentro da Tenreira Suprema, até o de agora viñan facendo a súa crianza nos pastos da granxa onde en moitos casos se suplementaba penso os animais para que acadaran un acabado dentro dos parámetros de conformación e engraxamento que xa recolle a marca. Non se entende porque non habendo problemas neste sentido coa conformación e engraxamento dos animais, agora a maioría do pleno da IXP condena a moitas granxas con esta medida de estabular os animais nos últimos meses da súa vida, supondo un gasto económico moi alto a unhas granxas que en moitos casos non dispoñen destes tipos de instalacións e nun sistema de produción. No lugar de basearse nos recursos da granxa, foméntase a compra de pensos e insumos co encarecemento que isto vai ter para estas granxas”, denuncia Brais Álvarez, coordinador do Sector da Carne no SLG-CCLL. “Vemos con fonda preocupación a perda do elemento diferenciar que esta modificación supón dentro da Tenreira Suprema, xa que moitas veces o que aprecia o propia persoa consumidora é o modelo de produción máis sostíbel e social que hai detrás destas granxas”, engade.
Por todo iso, dende o SLG defendemos que mentres os tenreiros acaden a conformación e engraxamento que esixe a marca, non se discrimine os mesmos polo seu xeito de crianza, e menos que se penalice precisamente os que a día de hoxe son a imaxe da marca, aquelas granxas que crían os seus animais en liberdade e conservan o territorio con esta práctica.
A pesar de que dende a Xunta de Galicia non recoñecen a dimensións dos cambios na IXP Ternera Gallega, para o Sindicato Labrego Galego entendemos que “un cambio que afecta o modelo de produción e neste caso obriga a un determinado manexo non é un cambio menor”, insiste Brais Álvarez, e por iso que o SLG xa recorreu diante da Xunta esta modificación e esixe que se teña en conta. “É un cambio maior e polo tanto o competente para determinar a idoneidade do cambio non sería a Consellería se non a UE”, aclara o coordinador do Sector da Carne do SLG.
Máis cambios na IXP
Como maneira de mostrar o noso rexeitamento os cambios que a IXP está a realizar e que suporán o peche de centos de granxas por todo o país, o vogal do SLG na IXP Ternera Gallega, Samuel Formoso, non asistiu hoxe, xoves 4 de xullo, á inauguración da nova sede do Consello Regulador: “non queremos ser parte da farsa publicitaria dun consello que na tele pon a imaxe do becerro no pasto coa súa nai e á hora da verdade obríganos a cebar os nosos xatos en instalacións pechadas”, criticou o gandeiro. Doutra banda, no número 120 do Diario Oficial de Galicia (DOG), publicado o venres 21 de xuño, recóllese a Orde do 12 de xuño de 2024 pola que se modifica a Orde do 23 de xuño de 2017, pola que se aproba “El reglamento de las indicaciones geográficas protegidas Ternera Gallega y Vaca e Boi de Galicia/Vaca y Buey de Galicia y de su consejo regulador común y se nombra el consejo regulador provisional”, é dicir, segundo esta nova normativa o nome muda de IXP de Carne de Vacún de Galicia á versión en castelán IXP Vaca e Boi de Galicia/Vaca y Buey de Galicia. Dende o Sindicato Labrego Galego-Comisións Labregas rexeitamos esta nova nomenclatura e defendemos o seu nome orixinal, en galego.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
