Ribadeo, 2 de setembro de 2024. Case 46.000 persoas pasaron polas oficinas de turismo de Ribadeo entre o 1 de xuño e o 31 de agosto. Un dos datos máis salientables deste verán é o aumento das pernoctas, que se situaron 7 puntos por enriba de 2023. A concelleira de Turismo, Marta Saiz, fai un balance moi positivo da tempada estival.
A edil ribadense contou que “Ribadeo segue a consolidarse como destino de referencia na España verde cun aumento do turismo internacional e as pernoctas. En total preto de 46.000 persoas pasaron polas oficinas de turismo de Ribadeo durante os meses de xuño, xullo e agosto”.
Marta Saiz relatou que “en agosto as oficinas acadaron cifras récord: 25.750 consultas realizadas. A do centro da vila prestou información a 9.750 persoas e o punto de información da praia das Catedrais a 16.000 visitantes”.
A concelleira de Turismo subliñou que “un dos datos máis salientables deste verán é o aumento das pernoctas no concello de Ribadeo, posto que un 37 % do total de visitantes durmiron aquí, son 7 puntos máis que o ano pasado. Boa proba disto é que os nosos aloxamentos acadaron un 95% de ocupación en agosto”.
Sobre a procedencia dos visitantes chegados a Ribadeo Marta Saiz explicou que “no tocante ao turismo de procedencia estatal, Madrid, Cataluña, Andalucía, Comunidade Valenciana e Euskadi seguen a ser os principais emisores. Con respecto ao turismo internacional, os datos da oficina do centro fálannos dun 10.9% do total das visitas, case 4 puntos por riba do ano pasado, en comparación cun 21,8% no punto de información da praia de as catedrais, o que supón un aumento de 5 puntos con respecto ao ano pasado, nesta oficina. Francia, Italia, Alemaña, Portugal, Estados Unidos e Reino Unido son as principais procedencias”.
A edil dixo que “moi relevante é o número de viaxeiros que nos chegan por mar e empregan os 21 amarres de tránsito dos que dispón o Real Club Naútico de Ribadeo. En agosto utilizaron estas prazas un total de 183 embarcacións, destes un 80% son estranxeiros procedentes de Francia, Inglaterra e Holanda, mostrando o atractivo e calidade deste porto ribadense. Con respecto aos peregrinos, o Camiño de Santiago do norte segue a ter tirón, notando por outra banda un gran interese pola variante do Camiño do Mar, pasando pola oficina do centro uns 300 camiñantes”.
Saiz engadiu: “por último, agradecer infinitamente o traballo do persoal das oficinas de turismo, así como ao sector privado polo esforzo que leva realizando todos estes meses, que non foi pouco. Entre todos e todas contribuímos a acadar un destino turístico de vangarda”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
